GERRARD .. MY AUTOBIOGRAPHY

ကျွန်တော် အားရင်အားသလို အင်တာနက်က စာမျက်နှာတွေမှာပဲ ဖြစ်ဖြစ်၊ Wikipedia မှာပဲဖြစ်ဖြစ်၊ Library ကနေငှားဖတ်ဖတ်၊ ကိုယ်တိုင် ၀ယ်ဖတ်ဖတ် ကိုယ်သဘောကျတဲ့ နည်းပညာအကြောင်းတွေ၊ ဆေးပညာအကြောင်းတွေ၊ ကမ္ဘာကျော်တွေရဲ့ အကြောင်းကို ရေးသားထားတဲ့ ကိုယ်ရေး ရာဇ၀င်တွေနဲ့ တခြား အထွေထွေ ဗဟုသုတ တွေကို ဖတ်တာ များပါတယ်။

ထင်တော့ ထင်သားပဲ .. စာအုပ်ကို မ၀ယ်ခင်ကတည်းက အင်တာနက်က Gerrard စာအုပ်နဲ့ ပတ်သက်လို့ မှတ်ချက်တွေ ပေးထားတဲ့ Comments တွေ အတိုင်းပဲ။ တစ်အုပ်လုံးနီးပါ "S h x x" "F x x x" "F x x x ing" တွေချည်း ပဲ။ စာအုပ်ကတော့ ဆွဲဆောင်မှု့ရှိပါတယ် .. သူ့ငယ်စဉ်ဘ၀ဇာတ်ကြောင်း၊ ဘာကြောင့် နဲ့ ဘယ်သူ့အတွက် ကစားနေတာဆိုတာရယ်၊ သူ့ Liverpool ဘောလုံးသမား ဘ၀အကြောင်းကို ပါရေးသားထားပါတယ်။

ကိုတိုး

MY LATEST ILLUSTRATIONS

Animation မကျွမ်းကျင်လို့ Freelance Project တစ်ခု လက်လွှတ်လိုက်ရတဲ့ နောက်ပိုင်းမှာ Adobe Illustrator ကို ဟိုးအရင်ထက် ပိုသုံးမိတယ်။ ကာတွန်းအဖတ်များတဲ့ ဒီ Thai နိုင်ငံမှာ ဂျပန်ကာတွန်း ဘာသာပြန်စာအုပ်တွေက ပလူလိုပျံနေတော့ ဒီလို မျက်ပြူးကာတွန်း ဇာတ်ကောင်လေးတွေက နေရာအနှံမှာရှိနေတယ်ဆိုတာကို ကျွန်တော် ထိုင်းရောက်ကတည်းက သတိထားမိခဲ့တယ်။ ဒီဇာတ်ကောင်လေးတွေကို ကလေး၊ လူကြီးတွေသာမက ဂျပန်တွေကို မုန်းတဲ့ တရုတ်တွေတောင် ကြိုက်နှစ်သက်တာ အမှန်ပါ။ ဂျပန်ကာတွန်းဆရာတွေကလည်း ကာတွန်းနည်းပညာမှာ တော်တော်လေး အသေးစိတ်ဆန်ပြီး လက်ရာတွေ သန့်ရှင်းသပ်ရပ်တာကို တွေ့ရတယ်။ ဂျပန် နိုင်ငံရဲ့ Packaging Design တွေကလည်း တော်တော်လေးကို Clean Design ဆန်တယ်။ ကျွန်တော်ကတော့ အားလပ်တဲ့အချိန်မှာ Library ကိုသွားပြီး Japan Archi နဲ့ Design တွေကို ပိုပြီးလေ့လာမိတယ်။ Light Tone တွေ Soft Tone တွေကို မယုံနိုင်လောက်အောင် အဆင့်ဆင့် သုံးတတ်တဲ့ သူတို့ရဲ့ အနုပညာစွမ်းအားက ကျွန်တော့်ကို မင်သက်စေတာက အမှန်ပါ။

ဒီ မြန်မာဆန်ဆန် နဲ့ မြန်မာမှု့ပြုထားတဲ့ ပုံကတော့ မပြီးသေးပါဘူး။ နောက်က Background များကို ဆက်ဆွဲဖို့လိုပါသေးတယ်။ နောက်နှစ်မှစပြီး ကျွန်တော့်ရဲ့ ဟာသ Post များ၊ ကဗျာများ နဲ့ Art တို့ Design တို့ကို myohanhtun.com မှာပဲ Personal Portfolio Blog ဆန်ဆန်ပဲ ရေးပါတော့မယ်။

ဒါနဲ့ မနက်ဖြန်မှာတော့ Project တစ်ခုအတွက် ဂုဏ်ထူးဆောင် Certificate တက်ယူရမယ်လို့ လူကြီးတွေက ပြောတာကြောင့် ... Pirates of the Caribbean ထဲက ဒါးပြတွေ စတိုင်ကို အားကျပြီး ... နှုတ်ခမ်းမွေး မုတ်ဆိတ်မွေး ဘရဗျစ်နဲ့ လူဆိုးကြီး ဂိုက် ဖမ်းထားတဲ့ ကျွန်တော်တစ်ယောက် နှုတ်ခမ်းမွေးတွေ မုတ်ဆိတ်မွေးတွေ ကို ရိတ်လိုက်ရတယ် ဗျာ။

ဒါကတော့ MountMandalay ရဲ့ Version 2008 ဒီဇိုင်းပါ။ အလုပ်တွေနဲ့ စာတွေပိနေတာကြောင့် ရှေ့ဆက်မလုပ်နိုင်သေးပါဘူး။ ဖြေးဖြေးပေါ့။ Mac နဲ့ Apple ရဲ့ Idea တွေ Influence ဖြစ်နေတာကြောင့် ကျွန်တော်ရဲ့ ဒီဇိုင်းအများစုမှာ အဲဒီ က Concept တွေပါနေတတ်ပါတယ်။ အားလုံးကိုလည်း မဆိုလိုပါဘူး။ အကောင်းတကာ့ အကောင်းဆုံးတွေရဲ့ Idea တွေကို ခိုးတတ်တယ်ဆိုတာက ငြင်းဖွယ် မရှိတာ အမှန်ပါ။ ဟိုနည်းနည်း ဒီနည်းနည်းပေါ့။

ဒီနှစ်မှာတော့ မယုံနိုင်လောက်အောင် အလုပ်တွေ လုပ်ဖြစ်ခဲ့တယ်။ အလုပ်ကို မမြင်ရရင် သေမတတ်အောင် စွဲလမ်းလေသလား မသိရိုးအမှန်ပါ ဗျာ။

Address ကတော့ MountMandalay.NET ပါ။

ကိုတိုး

ထိုင်းနိုင်ငံမှ ဟာသများ (၂)

တစ်လောက Bangkok Post (၁၁လပိုင်း ၂၀ရက်နေ့ထုပ်သတင်းစာ) မှ Political Clowns ဆိုတဲ့ ဆောင်းပါးမှ ရယ်စရာပါ။

၂၀၀၇ ခုနှစ် ဘန်ကောက်မြို့စားကြီး (Bangkok Governor) ရွေးကောက်ပွဲ မတိုင်မှီ .. မြို့စားလောင်းလျာကြီးတစ်ယောက်ကတော့ “Bangkok မြို့ရဲ့ Traffic ဆိုတာ မီးပွိုင့်တွေက မီးနီတွေကြောင့်ပဲ .. ကျွန်တော် ဘန်ကောက်မြို့စားကြီးဖြစ်လာရင် .. Traffic မရှိအောင် မီးနီတွေကို မီးစိမ်းလုပ်ပစ်လိုက်မယ်” လို့ပြောလိုက်တာကြောင့် ကြားရသူအပေါင်းနဲ့ ဖတ်ရတဲ့ သူအပေါင်း ဗိုက်ဟောင်းလောင်း ဖြစ်သွားသည့်အလား မပြုံးပဲ ဝါးလုံးကွဲအောင် ရယ်ခဲ့ကြရတယ်။

ထိုသူသာ ဘန်ကောက် မြို့စားကြီးဖြစ်သွားရင် ဘာတွေများဖြစ်မလဲလို့ စိုးရိမ်စိတ်နဲ့ စဉ်းစားရင်း

ကိုတိုး

ထိုင်းနိုင်ငံမှ ဟာသများ (၁)

၂၀၀၄ ခုနှစ် ဘန်ကောက်မြို့စားကြီး (Bangkok Governor) ရွေးကောက်ပွဲသည် အရင်နှစ်များနှစ်မတူ တမူထူးခြားသည်ဟု ဆိုရလောက်သည်။ ဘန်ကောက်မြို့ရဲ့ အညောင်းအညာပြေ လက်နှိပ်တော်မလေးများရှိရာ အနှိပ်ခန်းများ၊ နိုက်ကလပ်လား .. နှိုက်တဲ့ ကလပ်လား .. အဲဒီ ကလပ်များနှင့် အိမ်မှာရေချိုးတာမကောင်း၍ အပြင်မှာရေသွားသွား ချိုးတတ်ကျသော ကာလသားများအကြိုက် ရေဘုံဘိုင်၊ ရေချိုးခန်းများကို မြောက်များစွာပိုင်ဆိုင်ထားသော “ချူဝစ်” ဆိုသူသည်လည်း ဘန်ကောက်မြို့စားလောင်းလျာ အဖြစ် အရွေးခံလေသည်။

မချောလေးယောက် ကိုယ်တစ်ယောက်အလား ရေချိုးကြွေဇလုံထဲရောက် ရေဘုံဘိုင်ပိုင်ရှင်ကြီး ချူဝစ်

အညောင်းအညာပြေ လက်နှိပ်တော်မလေးများနှင့်အတူ သွားကြီးဖြီးနေသော ချူဝစ်

ကိုတိုးတစ်ယောက် ဘန်ကောက်ကို ရောက်ခါစ ကပေါ့ ဗျာ ....

သွားကြီးစိထားပြီး ဆယ်ပေါင်တူကြီးနဲ့ ထုတော့မည့်အလား ဒေါကန်နေသော ချူဝစ် ပိုစတာများကို နေရာအနှံတွေ့ရသဖြင့် မည်သူလဲဟု မေးခွန်းထုတ်ခဲ့ရသေးသည်။ ရုံးက သူငယ်ချင်းများကတော့ “သူက ချူဝစ် ဆိုသူဖြစ်ကြောင်းနှင့် သူ့အင်တာဗျူး Show များသည် အလွန်ရယ်ရကြောင်း” ပြောပြကြသည်။

ပုံပါအတိုင်း အခြား မြို့စားလောင်းလျာတွေက ကိုယ့်ပုံကိုတပ်လို့ ရိုးရိုးမဲစွယ်နေချိန်တွင် ချူဝစ်က ဒေါသထွက်နေတဲ့ဟန်တို့ တူနဲ့ထုတော့မည့်ဟန်တို့နဲ့ Media Attention ရအောင် လုပ်ပြလေရဲ့ ဗျာ။ (ဘယ်တိုင်းပြည် ဘယ်နိုင်ငံတွင်မှ သူလို ဒေါသတွေထွက်နေတဲ့ အက်တင် အမျိုးမျိုးထုတ်ပြီး မြို့စားရွေးကောက်ပွဲဝင်သူ ရှိလိမ့်မည် မထင်မိပါ)

ချူဝစ်ကတော့ စ ပါပြီ .. “ကျွန်တော် ချူဝစ်ကို မဲထည့်ပါ .. ချူဝစ်သာမရှိရင် ဘန်ကောက်မြို့ကြီးမှာ နိုက်ကလပ်တွေ ရေချိုးခန်းတွေ မရှိလို့ ဘန်ကောက်တစ်မြို့လုံး ပျင်းနေမယ် .. ” ဆိုပဲ ဗျ ..

“လာဒ်ပေးလာဒ်ယူမှု့ကို ချူဝစ် သာကိုင်တွယ်နိုင်ပါလိမ့်မယ်၊ ပပျောက်အောင်ဖြေရှင်းပေးမယ် .. ဘာကြောင့်လည်း ဆိုတော့ .. သူ ဘယ်ရဲကို ဘယ်လောက်လာဒ်ထိုးခဲ့တယ် .. ဘယ်လောက်လာဒ်ထိုးရတယ် ဆိုတာ သူသာ သိတယ်လို့” ဆိုပြီး မက်လုံးပေးပြီး .. ရဲများကို ချိန်းခြောက်ခဲ့ပါသေးတယ်။

ချူဝစ်ရဲ့ ပရိသာတ်များ နှင့် ထောက်ခံအားပေးသောသူများကလည်း “အင်း .. ချူဝစ်သာ မြို့စားကြီးဖြစ်ခဲ့ရင်တော့ .. ရေဘုံဘိုင်တွေ၊ ရေချိုးခန်းတွေ နေရာအနှံမှာ ပိုများလာလိမ့်မယ်”လို့ ပြုံးပြုံးကြီးဖြင့် အားကိုးတကြီး ဆိုခဲ့ကြသဖြင့် မိဘများ ရင်လေးစရာဖြစ်ခဲ့ကြပါသေးတယ်။ ချူဝစ်လည်း ခေသူမဟုတ်ပါ .. ရွေးကောက်ပွဲတွင် တတိယနေရာလား မသိ စွဲခဲ့သေးသည်။ သူ့ချစ်ပရိသာတ်အများဆုံးကတော့ Taxi သမားများ၊ နှိုက်တဲ့ကလပ် .. အဲယောင်လို့ .. နိုက်ကလပ်သွား လူငယ်များနှင့် ရေဘုံဘိုင်တို့ ရေချိုးခန်းတွင် သွားချိုးတတ်ကျသော ကာလသားများဖြစ်ကြသည်။

မှတ်ချက်။ ။ယခု ၂၀၀၇ ခုနှစ် ဘန်ကောက်မြို့စားကြီး ရွေးကောက်ပွဲမှာတော့ ချူဝစ် ဝင်မရွေးတော့ပါ။ ကျွန်တော့်အမြင်အရတော့ ချူဝစ်တစ်ယောက် ဘန်ကောက်မြို့စားကြီး ရွေးပွဲတွင် ၀င်အရွေးခံမည့်အစား ထိုင်းနိုင်ငံ ရုပ်ရှင်လောကထဲသို့ ၀င်ရောက်လျှင် အောင်မြင်မှု့ရှိကောင်းရှိလိမ့်မည်ဟု ထင်မိပါတယ်။

ကိုတိုး

ကွက်လပ်တွေနဲ့ အချစ်

ကွက်လပ်တွေနဲ့ အချစ်

မမရယ် ..
ကမ်းလက်မရှိတော့တဲ့
ဒီဘ၀မှာ
အလင်းတန်းမဲ့ ပုံရိပ်တွေကို
လွမ်းဆွေးနေရတဲ့
ကျွန်တော့်ရဲ့အဖြစ်တွေရော
အဝေးတစ်နေရာက မမ
သိနေမှာလား

မမရယ် ..
နိုးတစ်ဝက်အိမ်မက်တွေထဲမှာ
လှပတဲ့ ပုံရိပ်တွေကြောင့်
ရူးသွပ်သွားတဲ့ ကျွန်တော့်ကိုရော
မမ နားလည်ပေးမှာလား

မမရယ် ..
ဒီတစ်သက်မှာ
အချစ်တွေနဲ့ပေးဆပ်မယ့်
ကျွန်တော့်နှလုံးသားကို
အေးစက်နေတဲ့ နှလုံးသားနဲ့
ကွက်လပ်တွေကို အပြစ်ရှာကာ
မုန်းမေ့နေတော့မှာလား

ကိုတိုး

လွမ်းနေမယ် မမ

လွမ်းနေမယ် မမ

ငွေကြယ်လေးတွေ စီကာဝန်း
မညီမညာထွန်းလင်းတဲ့
ထက်ကောင်းကင်က
လမင်းရဲ့ အလင်းရောင်နဲ့
မမ ကိုလွမ်းနေတဲ့
အရိပ်တစ်စုံဟာ
သံစဉ်တွေ ဖြစ်ခဲ့ရပြီ

လွမ်းတေးတွေ ကြူ
မျက်ရည်တွေ ဆူ
ချိနဲ့ဆွံ့အတဲ့ နှလုံးသားတစ်ခု
အမြဲတိုးတီးစွာ ရေရွတ်နေမိတာက
“လွမ်းနေမယ် မမ”

ကိုတိုး

ဟိုဟာကို ကြည့်ပြီး တီးမှရတဲ့ လူ

ရခိုင်လူမျိုးများ ဘယ်လောက်စကားဝဲသလဲဆိုတော့ ..

ဇာတ်လမ်းက ဒီလို ဗျ ..

တစ်ခါသားပေါ့ဗျာ .. အဆောင်ရှေ့မှာ ဂစ်တာတီးနေတဲ့ ကျောင်းသားတွေရဲ့အနား .. ယောင်ချာချာနဲ့ရောက်လာတဲ့ ရခိုင်တစ်ယောက်ကို ကျောင်းသားတွေက “ဘယ်လိုလဲ ဗျ ... နဲနဲပါးပါးလေး လုပ်လိုက်ပါအုံး” လို့ ဖျော်ဖြေရန်တောင်းဆိုလိုက်တဲ့ မေးခွန်းကို ထိုလူ ရခိုင်လေသံဝဲ၀ဲနဲ့ ဖြေလိုက်ပုံကြောင့် အားလုံးအံ့အားသင့်သွားတယ်။

“ကျွန်တော် .. နို့ကြည့်တီးမှရမယ်” ..

သူ့စကားကြောင့် .. အားလုံးကကြောင်စီစီဖြစ်သွားပြီး ဘာများလဲလို့ ပေါ့ ဗျာ .. တကယ်တန်းသူဆိုလိုတာက သူဂစ်တာတီးရင် ဂီတသင်္ကေတ အင်္ဂလိပ်လို “Note” ကို ကြည့်တီးမှရတယ်လို့ ဆိုလိုတာပါ ..

ကျွန်တော်လည်း တစ်ခါတစ်လေ ဂစ်တာတီးတိုင်း Note ကြည့်တီးမှရပါတယ် .. ငါ့ဆရာတို့လည်း အလွတ်မရရင် Note လေး ဘာလေး ကြည့်တီးပေါ့ ..

ကိုတိုး

JOSE' MOURINHO .. ခင်ဗျား လမ်းဘေးရောက်နေပြီလား ဗျာ

သြော် .. ဒုက္ခ .. ဒုက္ခ ..

မနေ့တုန်းက သူငယ်ချင်းတစ်ယောက်ပို့လိုက်တဲ့ အတင်းအဖျင်း Conversation Mp3 ဖိုင်လေးကို စပ်စပ်စုစုနဲ့သွားနားထောင်လိုက်မိတာ တော်တော်လေးလန့်သွားတယ်။ ဒါပေမယ့် ကမ္ဘာကျော် Chelsea နည်းပြ Jose Mourinho ကို “အခုလမ်းဘေးမှာ သူ့ကို ဘယ်သူမှ မငှားဘူး” ဆိုတာကို ပြောလိုက်တဲ့ ထိုအမျိုးသမီးလေသံကို တော်တော်လေးလန့်သွားတယ်။

အင်း .. ကိုယ့်အကြောင်းကို မကောင်းပြောတဲ့သူတွေများ ရှိခဲ့ရင် (သို့) ရှိနေရင် .. ဘယ်လောက်များ ပိုပြောနေကြမလဲ လို့ .. တွေးမိရင်း

ကိုတိုး

UGLY KID TOE

လက်ခလယ် လက်ချောင်းလေး ထောင်ထားတာကို တော့ စိတ်မရှိပါနဲ့ဗျာ .. ဒါက မူလ Ugly Kid Joe ရဲ့ မူဟန်ပါ။ ကျွန်တော်က ပြင်မဆွဲပေမယ့် ဗြောက်အိုးကိုတော့ ကွယ်ဝှက်ကိုင်ခိုင်းထားလိုက်သေးတယ်။ ရုပ်ဆိုးဆိုးနဲ့ လူဆိုးလေးပုံပေါက်တဲ့ ကိုတိုးပေါ့ ဗျာ။

UGLY KID TOE Wallpaper ကိုဒီနေရာမှရယူပါ။ Resolution (1024 x 768, Size 200 KB)

ကိုတိုး

ထိုင်းနိုင်ငံမှ အကောင်းဆုံး TV ကြော်ငြာများ (3)

ဒါကတော့ အားကစား လုပ်ဖို့ ကျန်းမာရေးအဖွဲ့တစ်ခုက အားကစားမြှင့်တင်မှု့ကြော်ငြာတစ်ခုပါ။ အိုင်ဒီယာအရမ်းကောင်းပြီး .. အရမ်းရယ်ရတယ် .. ဗျာ။ အောက်က အင်္ဂလိပ်စာတန်းထိုးလေးတွေကိုလည်း ဘာဆိုလိုတာကို ဖတ်ဖြစ်အောင် ဖတ်ပါ ဗျာ။

ထိုင်းနိုင်ငံမှ အကောင်းဆုံး TV ကြော်ငြာများ (၂)

Speaker အသံဖွင့်ကြည့်ဖို့တော့ လိုလိမ့်မယ် .. နော့်။ ကြည့်ကြည့်အစပိုင်းလောက်မှာတော့ အသံဗလံတွေကြောင့် တစ်မျိုးမထင်လိုက်ပါနဲ့။ ခေါက်ဆွဲထုပ်ကြော်ငြာလေးပါ ဗျာ။

ထိုင်းနိုင်ငံမှ အကောင်းဆုံး TV ကြော်ငြာများ (၁)

ထိုင်းနိုင်ငံမှ အကောင်းဆုံး TV ကြော်ငြာများကို ဖော်ပြရခြင်းပါ။ ဒါကတော့ ကျွန်တော် အကြိုက်ဆုံးကြော်ငြာပါပဲ။ မျက်နှာကျက်ပြားကြော်ငြာလေးပါ။

ယဉ်ယဉ်လေးရူးနေရပြီ

ယဉ်ယဉ်လေးရူးနေရပြီ

ရိုးရိုးလေးနဲ့
လှတဲ့ မင်းရယ်

မင်းလှမ်းခဲ့တဲ့
ခြေလှမ်းလှလှလေးရယ်

မင်းလျှောက်ခဲ့တဲ့
လမ်းလေးရယ်

မင်းပြောခဲ့တဲ့
အသံလေးရယ်

မင်းအမြဲဝယ်ခဲ့တဲ့
မုန့်ဆိုင်လေးရယ်

ဒီပုံရိပ်တွေကို
ငါပြန်မြင်ယောင်မိရင်း
ယဉ်ယဉ်လေးရူးနေရပြီ

ကိုတိုး

ကျွန်တော်နှင့်သူငယ်ချင်းများ (၉)

လွန်လေပြီးသောနှစ်အတော်ကြာကပေါ့ ဗျာ ..

မောင်ကိုတိုးနဲ့သူငယ်ချင်းတစ်ယောက် ဆိုင်ကယ်ဖြင့် ကျူရှင်သွားတုန်း လမ်းမှာ ပြောမနာဆိုမနာ ငယ်သူငယ်ချင်းတစ်ယောက်ကို အိမ်တစ်အိမ်အရှေ့မှာ အမှတ်မထင်တွေ့လိုက်တာပါတယ်။ ဒါနဲ့ပဲ အော်ကြီးဟစ်ကျယ် .. “ဟေ့ကောင် .. မင်းပျောက်နေတာ အတော်ကြာလှပေါ့” .. “မင်းဘာတက်နေတာလဲ” .. “မင်းဘာတွေလုပ်နေတာလဲ ကွ” .. “မင်း ဟိုဆော်နဲ့ကရော ဘယ်လိုတုန်း” တစ်ယောက်တစ်ခွန်း စီတန်းပြီး မေးခွန်းထုပ်လိုက်ကြပါတယ်။ သူကတော့ အဝေးသင်တက်နေတယ်ဆိုတာနဲ့ သူမိန်းမရသွားပြီဆိုတာကို ပြုံးဖြီးဖြီး ပြောလိုက်ပါတယ်။ ဒါနဲ့ပဲ အဲဒီအိမ်ရှေ့မှာ ထွက်ရပ်နေတဲ့ အန်တီကြီးနဲ့ အန်ကယ်ကြီးနှစ်ယောက်ကို သူ့အဖေနဲ့သူ့အမေလို့ထင်မိရင်း .. ပါးစပ်ဆော့တတ်တဲ့ ကျွန်တော်နဲ့ပါလာတဲ့ သူငယ်ချင်းကပဲ “နေစမ်းပါဦးကွ .. မင်း မိန်းမက ဟို ဆော်ပဲလား .. ဒါက မင်းအိမ်လား .. ဟိုအန်တီနဲ့ အန်ကယ်နဲ့ကရော မင်းအမေနဲ့မင်းအဖေလား.. နောင်ကြုံရင်တော့ ထမင်းလေးဘာလေး ၀င်စားဦးမှ” လို့ စစနောက်နောက်ပြောလိုက်တဲ့ အဆုံးမှာ သူက “မဟုတ်ဘူးကွ .. ဒါက ငါ့ယောက်ခမအိမ် .. ဟိုက ငါ့ယောက်ခမတွေပါ” လို့ဖြေလိုက်ပါတယ်။ ကျွန်တော့်နောက်ထိုင်လိုက်လာတဲ့ သူငယ်ချင်းက “ဟေ့ကောင် .. မင်းတော့ ခက်တော့တာပဲ .. ငါ့ယောက်ခမ အိမ်လို့ မပြောရဘူး .. ငါ့မိန်းမ အမွေဆိုင်အိမ်လို့ ပြောရတယ်ကွ” လို့ ပါးစပ်ထပ်ဆော့လိုက်တဲ့ စကားအဆုံးမှာ သူ့ယောက်ခမဆီက အော်ကြီးဟစ်ကျယ်လှမ်းပြောလိုက်တာကတော့ “မင်းနဲ့ကွာ .. ဒီလို .. ပေါက်ကရကောင်တွေကို အပေါင်းအသင်းလုပ်ရတယ်လို့ ” ဆိုတာပါပဲ ဗျာ ..

ဒါနဲ့ပဲ သူငယ်ချင်းကို နှုတ်ဆက်ရင်း ဆိုင်ကယ် ဘက်မှန်ကနေ ခပ်လှမ်းလှမ်းထိ နောက်ကို မလုံမလဲ ကြည့်ခဲ့ရသူကတော့ ကျွန်တော်ပါ ဗျာ။

အင်း ဇာတ်တော့ ရှုပ်သား .. Equation ချရင် “ယောက်ခမ အိမ် = မိန်းမအမွေဆိုင် အိမ်” ဆိုတာ ရှင်းနေသားနဲ့

အားလုံးနားလည်နိုင်ကျပါစေ

ကိုတိုး

ကျွန်တော်နှင့်သူငယ်ချင်းများ (၈)

ထိုင်းနိုင်ငံရောက်ကတည်းက ရုံးက ထိုင်းသူငယ်ချင်းတွေကို မြန်မာဆိုင်ခေါ်ပြီး မြန်မာအစားအစာကို Promotion လုပ်ရတာ အမောသားပါ ဗျာ။ ဒါပေမယ့်ဗျာ .. ထိုင်းတွေ မြန်မာအစားအစာကို စားပြီး ပေးခဲ့တဲ့ Comment တွေကို ပြောရင်လည်း ကိုယ့်ပေါင်ကိုယ်လှန်ထောင်းရာကြမှာမို့ မပြောတော့ပါဘူးလို့ စဉ်းစားနေရင်း ဒီစာကိုရေးလိုက်ရတာပဲ .. (ဟီး ..)

ဇာတ်လမ်းက ဒီလိုဗျ

“မင်းတို့ မြန်မာအစားအစာက ဘယ်လိုလဲ” လို့မေးလာခဲ့ရင် .. “လာခဲ့” လို့ ခေါ်တတ်တာက ကျွန်တော်မျိုး မောင်ကိုတိုးပါ။ “လာခဲ့” လို့သာ ခေါ်ပါတယ် ဒါပေမယ့် ပိုက်ဆံကတော့ ကိုယ့်စရိတ်ကိုယ်ပေးပေါ့။ ဒါနဲ့ အိမ်နားက မြန်မာဆိုင်တွေ ရုံးဆင်းချိန်တိုင်း ခေါ်သွားပြီး ကျွေးမွေးလေ့ရှိပါတယ်။ မြန်မာအစားအစာကို ထိုင်းလူမျိုးများ မည်မျှကြိုက်သလဲလို့ ပြောရရင် တစ်ခါဆို တစ်ခါပါပဲ ဗျာ။ နောက်ကို ဖိတ်ရင်လည်း “ရပါတယ်” ဆိုတာကို မပြုံးမရီ စကားလုံးစီကာ “ငါ ချိန်းထားတာရှိလို့” တို့ “သွားစရာ ရှိလို့” တို့ဆိုပြီး ပြောတတ်တာက ထိုင်းလူမျိုး သူငယ်ချင်းတွေပါ။ အချိုအချဉ်အစပ်တွေ အစားများတဲ့ ထိုင်းတို့ရဲ့ အပြောကတော့ .. “ဆီများလို့” တို့ “အရသာပေါ့တယ်”တို့ ဆိုတာ ပေါ့ဗျာ။

ဒါနဲ့ တစ်ရက်မှာ .. ရုံးက မြန်မာအစားအစာမစားဖူးသေးတဲ့ ထိုင်းတွေလည်း ဘာပဲဖြစ်ဖြစ် သွားစားကြည့်မယ် ဆိုပြီး လိုက်လာလေရော။ အဲဒီနေ့က ရွှေတောင်ခေါက်ဆွဲ ရှိတာနဲ့ ရွှေတောင်ခေါက်ဆွဲကို မှာပေးလိုက်တယ်။ ဒါနဲ့ “ရွှေတောင်ခေါက်ဆွဲ” ကို ဘာလဲလို့မေးတော့ ဘာသာပြန်အလွန်ကောင်းလှတဲ့ ကိုတိုးကလည်း အတည်ပေါက်နဲ့ “Golden Mountain Noodle” လို့ လက်ဟန်ပါပါနဲ့ တောင်ပုံရာပုံ ပုံစံမျိုး ပြောထည့်လိုက်တယ်။ တစ်ယောက်သော ထိုင်းက ပျာကြီးပျာယာနဲ့ “ကိုတိုး ကိုတိုး ငါတို့ နည်းနည်းပဲ စားမှာနော် .. မင်းမှာလိုက်တဲ့ ခေါက်ဆွဲက “Golden Mountain Noodle” ဆိုတော့ အရမ်းများနေပြီး ဈေးများ အရမ်းကြီးနေမလားလို့” ဆိုတဲ့ မေးခွန်းအနောက်မှာ မပြုံးပဲ ၀ါးလုံးကွဲအောင် ရယ်တဲ့သူက ကျွန်တော်ပါပဲ ဗျာ။

(မှတ်ချက်။ ။ထိုသို့လည်း မဟုတ်ရပါဘူး .. မြန်မာဆိုင်က ဒန်ပေါက်ကို အသည်းစွဲဖြစ်သွားတဲ့ နိုင်ငံခြားအသိမိတ်ဆွေ ရှိသလို .. မြန်မာအစားအစာကို နှစ်သက်တဲ့ ထိုင်းလူမျိုး အမျိုးသမီးကြီး တစ်ယောက်လည်း မြန်မာဆိုင်မှာ အစားမပျက်တာ တွေ့ရစဲပါ ဗျာ။)

ကိုတိုး

ရမ်ခမ်ဟန် ရဲ့ လမ်းဟောင်းလေး

ရမ်ခမ်ဟန် ရဲ့ လမ်းဟောင်းလေး

ရင်ထဲကစကား
သူ့နားမှာ မခါးရအောင်
စာလေးတွေက ဆင့်ဆိုလို့
ဖွင့်ဆိုတဲ့
ငါ့ရင်ခွင်ကို သူ မမြင်ရင်လည်း
ရမ်ခမ်ဟန် ရဲ့ လမ်းဟောင်းလေးက
“သူ့ကို သက်သေခေါ်ပါ” တဲ့

ငါ့အသည်းတွေ
ကွဲကြေပါလေပြီ
လေရူးတွေမြူး
စိတ်ကူးတွေ လှိုင်းကြမ်းလို့လူးတဲ့အလား
ထိုင်ကာဆွေး
ငိုင်ကာ ငေးနေရတဲ့ ငါ့အဖြစ်ကို
ရမ်ခမ်ဟန် ရဲ့ လမ်းဟောင်းလေးက
“တစ်နေ့တော့ သူပြန်လာမှာပါ” တဲ့

ကိုတိုး

ဒါကတော့ ရမ်ခမ်ဟန် အားကစားကွင်းထဲက ကျွန်တော် သွားထိုင်နေကြ ကျောက်တုန်းလေးပေါ်မှာ အလွမ်းတွေပိုမိရင်း ရေးစပ်ခဲ့တဲ့ ကဗျာလေးတစ်ခုပါ။

မခင်နှင်းဆီ

မခင်နှင်းဆီ

မူးဝေလို့ခြွေမယ့်လူတွေအတွက်
ဆူးတွေနဲ့ဝေတဲ့
မင်းရဲ့ အလှက
ငါ့ အတွက်တော့
ရင်မောစရာပါ ..

အချိန်မလွန်
ညှိုးမစွန်းသေးတဲ့
မင်းရဲ့ ဘ၀ကို
ဆူးတွေနဲ့ဆိုလည်း
ငါ လက်လှမ်းမှီချင်ပါသေးတယ်

ကိုတိုး

ကျွန်တော်နှင့်သူငယ်ချင်းများ (၇)

“သားလေးမွေးရင် ကိုယ့်နာမည်ပေးပါ” .... “သားလေးမွေးရင် ကိုယ့်နာမည်ပေးလိုက်ပါ” ဆိုတဲ့ အဆိုတော် လွှမ်းမိုး သီချင်းကို ကိုတိုးတို့ သူငယ်ချင်းတွေ ဗိုက်ကြီးသယ်တွေ မြင်တိုင်း အမြဲတမ်းလိုလို ဆိုတတ်ကျပါတယ်။ ဟိုးအရင် တက္ကသိုလ်ကျောင်းသားဘ၀က ဗိုက်တကားကားနဲ့ အတန်းဖော် တစ်ယောက် သူ့ ယောင်္ကျားနဲ့ ကျောင်းခန်းထဲဝင်လာတုန်း စစနောက်နောက် ဆိုလိုက်မိလို့ သူ့ယောင်္ကျားက ဒေါသမီးတွေ ဟုန်းဟုန်းတောက်နေတဲ့ အကြည့်နဲ့ ကြည့်သွားပါလေရဲ့ ဗျာ။ လမ်းသွားရင်းလည်း ဗိုက်ကြီးသည်တွေ မြင်တိုင်း စစနောက်နောက် ဆိုတတ်ကျသေးပါတယ်။ တစ်ခါတုန်းကတော့ “ရှင့်နာမည်သာပြောပါ .. ကျွန်မသာ သားလေးမွေးရင် ရှင့်နာမည် ပေးလိုက်ပါ့မယ်” လို့ အာကြမ်းကြမ်းနဲ့ လာသရမ်းသွားတဲ့ မမဗိုက်ကြီးသည် ရဲ့ မထင်မှတ်တဲ့ အပြုအမူကြောင့် အာစေးစွာ ငိုင်ငေးသွားသူက ကျွန်တော်ပါ။ အူကြောင်ကြောင်နိုင်လှတဲ့ ကျွန်တော်ကလည်း “ဟုတ် .. ဟုတ် .. ကျွန်တော့်နာမည် ကိုတိုး ပါ ခင်ဗျာ” လို့ ဖြေလိုက်မိတာက သူငယ်ချင်းတွေကြားမှာ ဟာသတောင် မြှောက်ခဲ့ပါတယ်။

တစ်ခါတလေကျတော့လည်း ဒီလို စ ကျပါသေးတယ်။ ဥပမာ အတွဲ နှစ်ယောက် ကျွန်တော့်တို့ အရှေ့ဖြတ်လျှောက်သွားလို့ကတော့ .. “မင်း မောင့်ကို အရွဲ့တိုက်ပြီး ဒီကောင်နဲ့ တွဲပြတာပေါ့လေ ... ရပါတယ် ကွာ ... ရပါတယ် ...” တို့၊ “မင်းအတွက် ကိုယ် သိပ်စိုးရိမ်တယ်ကွာ” တို့ ဆိုပြီး မကြားတကြား တိုးတီးစွာ ရိုက်ကွင်းထဲများ ရောက်နေတဲ့ ရုပ်ရှင်မင်းသားဆန်ဆန် ငိုတော့မယ့် အသံလေးနဲ့ ခပ်တည်တည် နဲ့ ပြောတတ်ကျပါသေးတယ်။ ထိုသို့သောအချိန်မျိုးမှာတော့ စောင်းကန်း စောင်းကန်းနဲ့ “ဒီကောင် ငါ့ရည်းစားရဲ့ အရင် ဟိုဟာ လား” ဆိုတဲ့ သံသဃ မျက်လုံးတွေနဲ့ ထိုဘဲတွေ ငနဲတွေက ကြည့်သွားလို့ကတော့ .... သူတို့ကို နောက်ကနေကြည့်ရင်း ကျိတ်ရယ် တတ်ကျတဲ့ သူတွေဟာ တခြား ဘယ်သူမှ မဟုတ်ပါဘူး .... ကျွန်တော်နဲ့ ကျွန်တော့် သူငယ်ချင်းတွေပါပဲ ဗျာ။

ဒါပေမယ့် အခုအချိန်မှာတော့ ဒီလို ဟာသ လုပ်တတ်တဲ့ ကျွန်တော့်ရဲ့ အမူအကျင့်တွေနဲ့ အပြောလေးတွေကို နှုတ်က မထွက်နိုင်အောင်ကို အာစေးနေမိတာက အမှန်ပါ။

ဒီ အကြောင်းလေးကို ပြန်ပြောင်းအောင်းမေ့စွာ ရေးနေခိုက် “သားလေးမွေးရင် ကိုယ့်နာမည်ပေးပါ” .... “သားလေးမွေးရင် ကိုယ့်နာမည်ပေးလိုက်ပါ” လို့ တိုးတီးစွာရေရွတ်ရင်း

ကိုတိုး

ဒီလိုလည်း ဖြစ်တတ်ပါတယ်

ဟိုးတစ်လောက နေ့ခင်းကြောင်တောင် အားကစားလုပ်ပြီး ဗိုက်ဆာဆာနဲ့ အလှမ်းမဝေးလှတဲ့ အိမ်နားက ကုလားဆိုင်တစ်ဆိုင်မှာသွားစားဖြစ်တယ်။ အိမ်နားမှာတော့ ထိုင်း၊ မြန်မာ၊ တရုပ်၊ ကုလားဆိုင်တွေကတော့ ပေါမှပေါ။

ဒါနဲ့ ဆိုင်လည်းရောက်တော့ ဗိုက်ဆာဆာနဲ့ Dosa (မြန်မာအခေါ် “တိုရှည်”) ခြောက်ချပ် .. ကြက်ကီးမား ၁ ပွဲ၊ အာလူးဟင်း တစ်ပွဲ စားပြီး ဒိန်ချည် ၂ ခွက် ဆင့်သောက်ရော။ (ပြောမယ့်သာပြောတာ ထည့်ပေးတာတွေက နည်းနေတော့ အာတောင် ကောင်းကောင်း မဆွတ်ရှာဘူး၊ ဟင်းတွေကလည်း အရောင်တင်မှုန့်တွေဘယ်လောက်များထည့် ထားသလဲလို့မပြောတော့ပါဘူး ဘုန်းကြီးသင်္ကန်းတွေများ ထည့်ချက်ထားလား အောင့်မေ့ရတယ်) ဒါနဲ့ သူငယ်ချင်းတစ်ယောက်ကို ဆိုင်ရှေ့မှာတွေ့တော့ သူ့ပါခေါ်ပြီး ဒိန်ချည်သောက်မလား ငါပေးပါ့မယ် လို့ပြောပြီး ဆိုင်ထဲခေါ်လိုက်တယ်။ နောက်တော့ ဆိုင်ထဲမှာ သူနဲ့ “ကိုယ့်ကိုယ်ကို အားကိုးရေးနဲ့ မည်သူ့မှ အားမကိုးရေး” အစရှိတဲ့ အကြောင်းအရာတွေကို စီစာပတ်ကုံး စာစီကုံးသကဲ့သို့ ကျွန်တော်က စပြောတယ်။

နောက် ပိုက်ဆံရှင်းမယ် လုပ်တော့ ပိုက်ဆံအိပ်က ပါမလားဘူး။ ဒါနဲ့ သူငယ်ချင်းကို မင်းမှာပါရင် ခဏလောက်ဆိုက်ပြီးပေးလိုက်ပါ ငါနောက်မင်းဆီချက်ချင်းလာပေးပါ့မယ်လို့ ပြောတာနဲ့ သူက ပိုက်ဆံထုပ်ပြီးရှင်းလိုက်တယ်။ သေပါလေရော ..... သူကတော့ ကျွန်တော့်ရဲ့ “ကိုယ့်ကိုယ်ကို အားကိုးရေးနဲ့ မည်သူ့မှ အားမကိုးရေး” ခေါင်းစဉ်နဲ့ ဟောပြောသွားတာတွေကိုတော့ ဘယ်လိုမြင်မလဲ ဗျာ ..

ဒီလိုလည်း ဖြစ်တတ်ပါတယ်

ကိုတိုး

အားလုံးကို သတိရပါတယ်

“သတိရနေတယ် ... သူငယ်ချင်းရေ .. တို့များ ငယ်ငယ်တုန်းက ရွာအ၀င်လမ်းဆီကနေ လက်ချင်းယှက်ကာ ပြေးကာ လွှားကာ ကျောင်းတက်လာကြတာတွေ .. မေ့နိုင်ပါ့မလား .. မင်းတို့ငါတို့ ငယ်ငယ်တုန်းကလေ .. ” ဘာရယ်မှ မဟုတ်ပါဘူး .. တွံတေးသိန်းတန် သီချင်းလေးကို နားထောင်ရင်း ကျောင်းကသူငယ်ချင်းတွေနဲ့ အလုပ်ကသူငယ်ချင်းတွေကို
သတိရနေမိတာ အမှန်ပါ။

လက်ဝဲမှ လက်ယာသို့ - သာကျော်ဖြူ၊ ကိုတင်ကို (MCC)၊ ပါပါလေး၊ ကျွန်တော်ပေါ့ဗျာ၊ အန်တီကြီး (မှတ်ချက်။ ။နာမည်အရင်းမေ့နေသည်)၊ အိလေး၊ ဖြိုး၊ အိသန့်၊ သန့်ရွှေစင် (MCC)၊ ဒါဒါ၊ ဂျုဂျူး၊ အေးထွန်း (ကျွန်တော်တို့ အဖွဲ့ရဲ့ ကိုလေးဖြူပေါ့)၊ အေးမင်းထွန်း၊ ကိုဦး (ကျွန်တော်တို့ အဖွဲ့ရဲ့ အနိုင်၊ အောင်သူ၊ မင်းအောင်၊ တွံတေးသိန်းတန်၊ ဟင်္သတထွန်းရင် အစရှိတဲ့ .. တောကြိုက်သီချင်းများကို အပီဆိုတတ်သူ)၊ ကိုသန့်ဇင် ခေါ် ကျွန်တော့်နာမည် မောင်သန့်ဇင်ပါခင်ဗျာ။

ဒါကတော့ DCD ကဘော်ဒါတွေပေါ့။ လက်ဝဲမှ လက်ယာသို့ - အဆိုတော်၊ မော်ဒယ်၊ ကွန်ပျုတာသင်တန်းဆရာ Blogger ဇော်မိုးအောင်၊ ကျွန်တော်ပေါ့ဗျာ၊ ရိုးသားလှတဲ့ ရှမ်းကလေး တင်ထွန်းအောင်၊ သူငယ်ချင်းလည်းဖြစ် ဂျာကြီးလည်းဖြစ်တဲ့ ကိုဝင်းဌေးဦး၊ အမြဲတမ်း အတည်ပေါက်နဲ့ ဟာသတွေ လုပ်တတ်တဲ့ ကိုမင်း၊ ဒီစီဒီရဲ့ လက်ရှိပင်တိုင် Customer တွေရစ်တာကို အမြဲတမ်း သည်းခံလေ့ရှိတဲ့ ကျော်ဝင်းဆွေ (ခ) ကျော်ကြီး

မန္တလေးက သူငယ်ချင်းတွေအားလုံးကို ဒီရက်ပိုင်းတွေမှာ အမြဲသတိရနေမိတယ်။ ကျွန်တော်ပေါင်းသင်းခဲ့တဲ့ သူငယ်ချင်းတွေ အများစုဟာ တကယ့် ညီရင်းအကို တွေလိုပါပဲ။ နောက်ဆုံးကုန်ကုန်ပြောရရင် တစ်ယောက်အိမ် တစ်ယောက်ကို စားအိမ်သောက်အိမ် လို့တောင် ပြောရလောက်တယ်။ “ကိုတိုး ထမင်းစားအုံးမလား” ဆိုတာကတော့ သူတို့တွေအိမ်သွားလည်ရင်အမြဲကြားရတဲ့ အသံပါ။ အစားဆိုရင် ဟန်မဆောင်တတ်တဲ့ ကျွန်တော်ဟာလည်း ဘယ်တော့မှ မငြင်းတတ်ပါဘူး။ ၀င်တီးတယ်။ ချပေးသမျှ လည်း ကုန်အောင်တီးတယ်။ တစ်ခါတလေကြတော့လည်း သူငယ်ချင်းအိမ်တွေ အလည်ရောက်ရင်းနဲ့ “အန်တီရေ .. မနက်ဖြန်ကျတော့ ကြက်သားမဆလာဟင်းကောင်းကောင်းလေးနဲ့ ကြက်ဥကြော် နှစ်လုံးကြော်ထားလိုက်ပါ ဖြစ်နိုင်ရင် သရက်သီးဆီစိပ်လေးပါ စီစဉ်ထားလိုက်ပါ .. ကျောင်းကပြန်လာရင် ကျွန်တော်လာစားလှည့်မယ်” ကိုယ်က စားချင်တာကို အတည်ပေါက်နဲ့ပြောလည်း သူတို့က “အေးအေး .. မနက်ဖြန်လာခဲ့လို့” ပြောပြီး စားမည့်အရာတွေကို စီစဉ်ပေးထားတတ်ကြပါတယ်။ ဟင်းချက်အရမ်းကောင်းကျတဲ့ ကျွန်တော့်အမေလက်ရာနဲ့ သူငယ်ချင်းတွေရဲ့ အမေတွေလက်ရာကို ဘယ်သူငယ်ချင်းမှ မစားချင်ဘူးလို့ မငြင်းတတ်ကျပါဘူး။ ဘာသာခြားတွေ၊ လူမျိုးခြားတွေနဲ့ ပေါင်းသင်းဆက်ဆံတတ်တဲ့ ကျွန်တော့်ကိုလည်း သူတို့အိမ်တွေရောက်တိုင်း စကားကို လှိုက်လှိုက်လှဲလှဲ အကြောင်းအရာမျိုးစုံဖြင့် ပြောတတ်ကြပါတယ်။ ကိုယ်က မရောက်ဖြစ်ရင်တောင် သူငယ်ချင်းတွေရဲ့ မိဘတွေက မေးတတ်ကြရုံတင်မကဘူး .. လာပါလို့လည်း ဖိတ်တတ်ကြပါသေးတယ်။

ဒါပေမယ့် နိုင်ငံခြားလည်းရောက်တော့ အဲဒီလောက် ဖေါ်ရွေပျူငှာတဲ့ သူငယ်ချင်းတွေနဲ့ မိသားစုတွေဟာ မရှိသလောက် ဆိုသလိုပါပဲ။ သူတို့ရဲ့ အလွန့်အလွန်ဆိုတာက စားသောက်ဆိုင်တွေမှာ အားလုံးရှယ်လုပ်ပြီး အားရပါးရ သွားစားတတ်တာလောက်ပါပဲ။ ဒါမျိုးတွေရေးပြလို့ “မောင်ကိုတိုး တစ်ယောက်ဖြင့် စူစကာ ပုဏ္ဏား လှူတာအကုန်စား .. စားချင်ရှာလွန်းလို့ Blog ပေါ်ထိ လာရေးရတယ်” လို့ပြောလည်း ပြောစရာဖြစ်သွားနိုင်ပါတယ်။ ဒါပေမယ့် ကျွန်တော် ဆိုလိုချင်တာက ကျွန်တော့်ဘ၀ရဲ့ မန္တလေးမှာ ဖြတ်သန်းခဲ့တဲ့ သူငယ်ချင်းတွေနဲ့ပတ်သက်တဲ့ ညီရင်းအကိုသဖွယ် ပေါင်းသင်းဆက်ဆံရင်းနှီးမှု့မျိုးဟာ .. နိုင်ငံခြားဆိုတဲ့ နေရာတွေမှာ မရတော့တဲ့ အကြောင်းလေးတစ်ခု အနေနဲ့ ရေးပြရခြင်းပါ။

လက်ဝဲမှ လက်ယာသို့ - “အစဉ်အရမ်းမိတဲ့ ရှင်ဂွမ်းဂွိ” လို့ ပြောရလောက်တဲ့ ဘေဘေး၊ မွန်မွန်၊ အမြဲတမ်း တကျက်တကျက်ရန်ဖြစ်တတ်တဲ့ မနီလာ .. နောက်ကတော့ မင်းလေး မင်းကြီး နတ်ဝင်နေတဲ့အလား လက်ညိုးလေးတွေကိုယ်စီထောင်ထားတဲ့ ကျွန်တော်၊ ကျော်ကြီး နဲ့ တင်ထွန်းအောင် တို့ အညာဒေသရဲ့ Parado ပေါ်တွင် (မိုးလေးတွေ မှိုင်းညို့နေတဲ့ အချိန်မှာ .. မုံရွာနားက ရွာလေးတွေဟာ တော်တော်လေး လှတယ်)

မုံရွာဖိုဝင်တောင်ရောက် သူငယ်ချင်းကျော်ကြီး နှင့် ကျွန်တော်

ကိုတိုး

ဆရာတော် ဦးဇောတိက ရဲ့ စိတ်ချမ်းသာအောင်

၁၁ ရက်နေ့က မောင်မင်းသူ (Flashband.Net) မှတစ်ဆင့် ဆရာတော် ဦးဇောတိကရဲ့ တရားပွဲ Assumption University မှာရှိတယ်ဆိုလို့ ဖတ်ဖူးတဲ့ ဆရာတော့်ရဲ့ စာအုပ်တွေကို သဘောကျမိတာကတစ်ကြောင်း ဆရာတော့်ကို ဖူးချင်တာကတစ်ကြောင်းနဲ့ ရုံးက အပြေးအလွှားသွားခဲ့ရတယ်။ ညီတော်လေး မျိုးကျော်ထွန်းနဲ့ ကျွန်တော် ဟိုရောက်တော့ တရားပွဲကစနေပြီ။ “စိတ်ချမ်းသာအောင်” ဆိုတဲ့ ခေါင်းစဉ်နဲ့ တရားဟောသွားပါတယ်။ အလွန်အင်မတန်မှ ကောင်းတဲ့ တရားအရသာပါ။ ကျွန်တော့်အတွက်ကတော့ လက်တွေ့နဲ့ ထပ်တူထပ်မျှ ဆိုသလိုလောက်ပါပဲ။ ဆရာတော်ရဲ့စာအုပ်မေ့သွားတာနဲ့ ပိုက်ဆံအိပ်ထဲ ဟိုနှိုက်ဒီနှိုက်ရှာရင်း တွေ့တဲ့ ကဒ်တစ်ခုမှာ ဆရာတော့်ရဲ့ Signature လေးကို တောင်းယူလိုက်ပါတယ်။

အောက်မှာတော့ မောင်မင်းသူရဲ့ Flashband.Net မှာ သူကိုယ်တိုင်ရိုက်တင်ပေးထားတဲ့ ဆရာတော့်ရဲ့ တရားကို Download လုပ်၍ကြည့်နိုင်ပါတယ်။ ဆရာတော့် ဓါတ်ပုံကိုလည်း မောင်မင်းသူကိုယ်တိုင် Email မှတစ်ဆင့် မျှဝေပေးထားလို့ သူ့ကိုလည်း ကျေးဇူးတင်ပါကြောင်း။

Sayardaw U Zaw Ti Ka's Happiness Tayar Videos

ကိုတိုး

A Portrait on Adobe Illustrator (1)

ဒီပုံဟာ ကျွန်တော့်ရဲ့ ပထမဦးဆုံး Adobe Illustrator ပေါ်မှာ ဆွဲခြင်းဖြစ်ပါတယ်။ Coreldraw သာသင်ခဲ့တဲ့ ကျွန်တော်ဟာ Vector Software တွေမှာ Web Design, Artistic Design များနဲ့ Logo Design တွေကိုသာ အသုံးတဲ့ခဲ့တယ်။ ဒါပေမယ့် ဟိုးတလောထဲက ကမ္ဘာအရပ်ရပ်က Illustration ပုံတူတွေကိုကြည့်ပြီး အားကြရာမှ ရေးဆွဲခဲ့ခြင်းပါ။ မူရင်းပုံကတော့ ရင်သားတွေဖေါ်ပြထားလို့ နှိုင်းယှဉ်မပေးတော့ပါဘူး။

Adobe Illustrator Version 10 တစ်ခုတည်းကိုသာ သုံးထားပါတယ်။ အဲဒီထဲမှာပါတဲ့ ဖွာထွက်နေတဲ့ Tone တစ်ချို့ဟာ Blur Effect မှ Guassian Blur ကိုသာသုံးထားပြီး ကောက်ကြောင်းတွေ အားလုံးကတော့ Pen Tool ကိုပဲသုံးထားပါတယ်။ အသောမသတ်အထပ်ထပ်ကွန့်တတ်တဲ့ ကျွန်တော်ဟာ ပုံတွေကို ချက်ခြင်းမတင်တတ်ပါဘူး။ အနည်းဆုံး လ ချီပြီး ပြန်ပြန်သလေ့ရှိပါတယ်။ တစ်ချို့ဆိုရင် တစ်နှစ်လောက်ကျော်ထိ ပြင်လိုက် တို့လိုက်နဲ့ တယုတယ ယုယုယယ လုပ်လေ့ရှိပါတယ်။ ဒါပေမယ့် ဒီပုံကိုတော့ ပြီးပြီးချင်း တင်လိုက်တယ်။

ဒီရက်ပိုင်းတွေမှာ ဆန္ဒနှစ်ခုကြားမှာ လွန်ဆွဲနေခြင်းကြောင့် စိတ်အရမ်းကို ပင်ပန်းနေပါတယ်။ ဒါပေမယ့် .. အခုလို Design လေးတွေလုပ်၊ ပန်းချီလေးတွေဆွဲ၊ ကဗျာလေးတွေရေး၊ လူများတွေပျော်စေခြင်းအလို့ငှာ ဟာသလေးတွေပြောပြရင်း ဘ၀အမောတွေကို ဖြေဖျောက်ရတာ အရသာတစ်မျိုးပါ။

Sexy Naughty Bitchy Wallpaper (Res: 1024 x 768, Size: 521 Kb)

ကိုတိုး

သူငယ်ပြန်နေသည်

သူငယ်ပြန်နေသည်

စိတ်စေရာ ငါသီကုံးတဲ့
စာမူကဗျာ အစုစုကို
လျှောက်တင်လွှာပါး
သူ့ထံပါးသို့
စိတ်ကူးလွှင့်မျှော်
ဒီ အရူး အချစ်ကိုမျှော်ပါလို့
သူငယ်ပြန်နေမိတယ် ..

ကိုတိုး

ကျွန်တော်တို့ မိသားစု နှင့် ဆွေမျိုးသားချင်း ဟာသများ (၁)

ဟာသဥာဏ်ရွှင်တတ်တဲ့ ကျွန်တော်တို့ မိသားစုနဲ့ ကျွန်တော့် ဦးကြီးတော်များဟာ မိတ်ဆွေအပေါင်းအသင်းများ အတွက်တော့ ဟဒယရွှင်ဆေးများ တိုက်ကြွေးသလိုပေါ့။

ဒီအကြောင်းလေးတွေကတော့ ကျွန်တော်တို့ အိမ်သူအိမ်သား မိသားစုများ နှင့် ဆွေမျိုးသားချင်းတွေ ဗီဒီယို၊ ရုတ်ရှင်များကြည့်ကြရင်း နောက်နောက်ပြောင်ပြောင်ပြောဆိုရာမှ ဖြစ်ပေါ်လာတဲ့ ဟာသလေးတွေပါ။

မြန်မာရုတ်ရှင်နဲ့ ဗီဒီယိုတွေထဲမှာတော့ သိတော်မူကြတဲ့အတိုင်းပေါ့ .. အမေလုပ်တဲ့သူက သမီးလုပ်တဲ့သူကို အတင်းယောင်္ကျားပေးစားခြင်းပါ။ သမီးလုပ်သူက “ဟင့်အင်း .. မေမေ မတရားဘူး .. မေမေ မတရားဘူး .. သမီးသူ့ကို လုံးဝမကြိုက်ဘူး .. ချစ်လို့လဲမရဘူး .. သမီးသူ့ကိုလုံးဝမယူချင်ဘူး” လို့ ငြင်းဆန်ဘူးခံပေမယ့် အမေက “ဟဲ့ .. ငါစီစဉ်တာကို ညီး ငြင်းဖို့ မကြိုးစားနဲ့ .. မောင်(x x x) ဘယ်သူနဲ့ ညီးယူကိုယူရမယ်” ဆိုတာတွေပေါ့ .. ဥပမာပြောရရင် .. ခင်သန်းနုပါဝင်သရုပ်ဆောင်တဲ့ .. နွားတစ်ထောင် ဆိုတဲ့ .. ဇာတ်ကားထဲမှာလိုပေါ့ .. အမေလုပ်တဲ့သူတွေက သမီးလုပ်တဲ့သူတွေအတွက် အတင်းယောင်္ကျားပေးစားတဲ့ ဇာတ်ဝင်ခန်းတွေပါ။

ထိုဇာတ်လမ်းမျိုးတွေ ထိုအခန်းမျိုးတွေ ကြုံတိုင်း ကျွန်တော့် ဦးကြီးတော် အငယ်ဆုံးနဲ့ ကျွန်တော်တို့တစ်တွေ တစ်ညီတစ်ညွတ်ထဲ အော်ကြတာကတော့ .. “ဟင့်အင်း .. သမီး အဲ့ဒီလူကို လုံးဝမကြိုက်လို့ မယူနိုင်ဘူး .. မေမေကြိုက်ရင် မေမေပဲယူလိုက်” ဆိုတာပါပဲဗျာ .. ကြားရတဲ့သူအပေါင်းကတော့ မပြုံးပဲ ၀ါးလုံးကွဲအောင် ရယ်ရတာပေါ့။

ကိုတိုး

Happy Birthday .. KO TOE, June 30

ဇွန်လ ၃၀ ရက်နေ့ဟာ ကျွန်တော့်မွေးနေ့ပါ။ ငွေကြေးမတောင့်တင်းတဲ့ ကျွန်တော့်အတွက်ကတော့ မွေးနေ့မှာ ဘုန်းကြီး ၄ ပါးပင့်ပြီး ဆွမ်းကြွေးရုံလောက်ပါပဲ။ ကုသိုလ်ဆိုလို့ အပတ်စဉ် စနေ နဲ့ တနင်္ဂနွေ နေ့တွေတိုင်းမှာ ငါးတွေကို ပါမုန့်သွားကြွေးတာလောက်ပါပဲ။ ကိန်းကြီးခန်းကြီးနေတာမျိုးကို မကြိုက်တဲ့ ကျွန်တော်ဟာ မွေးနေ့ပွဲတွေ ပါတီတွေလုပ်တတ်တဲ့ အကျင့်လည်း မရှိဘူး .. ကိုယ်ကိုယ်တိုင်လည်း သူများမွေးနေ့တွေ ပါတီပွဲတွေကို သွားတာလည်း ၀ါသနာမပါဘူး။ သွားလည်း မသွားချင်ခဲ့ဘူး။ ကျွန်တော့်မွေးနေ့မှာ အစီအစဉ်လိုက်ပြီး ကျေးဇူးတင်ရမယ် ဆိုရင်ဖြင့် .. ကျွန်တော့် အမေရယ်၊ ဆုံးသွားတဲ့ အဖေရယ် .. ဒီအသက်အရွယ်ထိတိုင်အောင် ဖေးဖေးမမ ပြုစုပျိုးထောင်ပေးခဲ့တဲ့ ကျွန်တော့် ဦးလေးတွေနဲ့ အန်တီတွေရယ် .. တစ်ယောက်ကို တစ်ယောက် ကူညီတတ်ကျတဲ့ ကျွန်တော့်ညီလေးတွေနဲ့ ကျွန်တော့်ညီမရယ် .. အမြဲတမ်း အားပေးစကားများပြောတတ်ကြတဲ့ သူငယ်ချင်းတွေပါပဲ ဗျာ။ မွေးနေ့မှာ ဆုတောင်းပေးတဲ့သူတွေကိုလည်း အထူးကျေးဇူးတင်ပါတယ် ..
အခုနကရုံးဆင်းခါနီးမို့ လောလောနဲ့ရေးလိုက်တာ .. ဆရာသမားတွေကို ကျေးဇူးတင်ဖို့မေ့သွားခဲ့တယ်။ ကျွန်တော် ဒီအသက်အရွယ်ထိ သင်ကြားပေးခဲ့တဲ့ .. သင်ကြားပေးနေစဲဖြစ်တဲ့ သင်ဆရာ၊ မြင်ဆရာ၊ ကြားဆရာ အပေါင်းတို့ကိုလည်း ကျေးဇူးတင်မိပါတယ်။ သူတို့တွေရဲ့ သွင်သင်ဆုံးမမှု့မပါခဲ့ရင် ဒီနေ့မှာ ကျွန်တော်ဒီလိုမျိုးဖြစ်လာမှာ မဟုတ်ဘူးဆိုတာကို ကျွန်တော် နားလည်နေမိလို့ပါ။

ကိုတိုး

ပျင်းလို့ဆော့ ကြည့်ခြင်း (၁)

ဒီနေ့လုပ်ရတဲ့အလုပ်တွေကို နည်းနည်းလေးငြီးငွေ့ပြီး ပျင်းလာတာနဲ့ အိမ်ကညီအငယ်ဆုံးလေး မျိုးဆွေထွန်းရဲ့ ပုံကို CD Album ရဲ့ Cover Design ပုံစံလုပ်လိုက်တယ်။ သူကလည်း သီချင်းဆိုတာ ၀ါသနာပါတာနဲ့ လုပ်ထည့်လိုက်တာပဲ။ စိတ်ကူးပေါ့။ Album နာမည်ကိုတော့ The Greatest Hits လို့ ခပ်တည်တည်နဲ့ပေးထည့်လိုက်တယ်။ တကယ်မဟုတ်ဘူး .. နော်။ တော်ကြာ ဘယ်တော့ထွက်မှာလည်း .. နားထောင်ချင်လို့တွေဘာတွေလုပ်နေမှာစိုးလို့။ ဟီး ... ဟီး

ကိုတိုး

မိုးတွေရွာရင်

CMS လေးက Tag လုပ်လို့ရေးလိုက်ရတာပါပဲ။

(၁) ငယ်ငယ်တုန်းကနေ နည်းနည်းအရွယ်ရောက်တဲ့အထိ မိုးရွာရင် အိမ်ရှေ့ထွက်ပြီး ဘောလုံးကန်တယ်။ (မဆန်းပါ .. အားလုံးလိုလိုလုပ်တတ်၏)

(၂) နောက်တော့ သူငယ်ချင်းတွေနဲ့ ဆိုင်ကယ်ပတ်စီးတယ်။ မန္တလေးတက္ကသိုလ်ထဲက မိုးမမြင်လေမမြင် အချစ်ဇာတ်လမ်းစဉ်နေကြသော အတွဲတွေကို ဒုက္ခသွားပေးတယ်။ (ဥပမာ။ ။ စက်ဘီးများ၊ ဆိုင်ကယ်များကို လေသွားလျှော့ခြင်း)။ နောက်တော့ လ္ဘက်ရည်ဆိုင်ထိုင်ပြီး အ၀စားကြတယ်။ ဒါကတော့ ကျွန်တော့သူငယ်ချင်း ယောင်္ကျားလေးတွေရော မိန်းကလေးတွေပါ မိုးရွာတိုင်း ထွက်လည်ကြတယ်။ မှိုင်းပြာမှုံရီနေတဲ့ ကောင်းကင်၊ မိုးရနံ့လေးတွေကို ရှုရှိုက်၊ မိုးစက်မိုးပေါက်တွေရဲ့အောက်မှာ အားလုံးသီချင်းတွေပြိုင်တူဆိုရင်း လျှောက်လည်ရတဲ့ ခံစားချက်က ပြောပြလို့ဘယ်ရပါ့မလဲ။ (အားလုံးကို ရူးတယ်နှမ်းတယ်ပြောလည်း မတတ်နိုင်ဘူး)

(၃) ဟိုးတုန်းကဆို မန္တလေးတောင်ပေါ်တက်ပြီး မှုန်ဝါးဝါး မန္တလေးမြို့ကြီးကို တစ်ယောက်ထဲ သွားသွားထိုင်ကြည့်ရင်း ငေးနေမိတယ်။ (ထူးပေ၏ .. ရူးပေ၏)

(၄) တစ်ခါတလေအရူးထပြီး မန္တလေးကျုံးဘေးမှာပြေးတယ်။ (ထူးပေ၏ .. ရူးပေ၏)

(၅) ဟိုစဉ်အခါက မိုးတွေသည်းတိုင်း ကောင်မလေးအိမ်နဲ့ .. မလှမ်းမကမ်းမှာ သွားသွားထိုင်တတ်တယ်။ (ပြန်စဉ်းစားတိုင်း အရူးတစ်ယောက်လိုပါလားဟ ဟုရေရွတ်မိတယ်၊ နောက်နောင်တွင် ကျွန်တော့်လို မလုပ်ရန် လူငယ်များကို တိုက်တွန်းပါသည် .. ဘာကြောင့်လည်းဆိုတော့ များသောအားဖြင့် မိန်းကလေးများသည် မိုးရွာတိုင်း စောင်ခြုံကွေးတတ်ကြသည် ဟု ကြားသိရပါသည်။ သင့်ကိုလည်း သူမြင်မည်မဟုတ်ပေ .. သင်လည်း ထိုအတွက်ကြောင့် ဘာမှ အမှတ်ရမည်မဟုတ် .. ကံမကောင်းအကြောင်းမလှက အဆုတ်အအေးပတ်တတ်သည်)

(၆) ယခုအချိန် .. ထိုင်းမှာတော့ တစ်ခါတလေ မိုးရွာထဲလမ်းလျှောက်တယ်။ တစ်ခါတလေတော့ ရမ်ခန်ဟန် (Ramkhamhaeng) အားကစားကွင်းထဲက ထိုင်ခုံလေးတစ်ခုမှာ တစ်ယောက်ထဲသွားထိုင်ပြီး အပြတ်ကို လွမ်းဆွေးနေတတ်တယ်။ တစ်ခါတလေ အိမ်နားက ကန်ကြီးထဲက ငါးတွေကို ပါမုန့်တွေအထုတ်လိုက် သွားကြွေးတတ်တယ်။ (ရူးတယ်နှမ်းတယ်ပြောလည်း မတတ်နိုင်ဘူး)

(၇) ယနေ့ထက်ထိအောင် မိုးရွာတိုင်း ထီးမဆောင်းတတ်တဲ့ အကျင့်ဟာ ချစ်သူရတဲ့နေ့မှပဲ ပျောက်သွားမှာပါလို့ အမြဲတမ်းပြောတတ်တယ်။ ဘယ်သူထီးဝယ်ပေးပေး တောင်ပြော မြောက်ပြော ဆင်ခြေပေးပြီး ငြင်းတတ်တယ်။ ဘယ်လောက်မိုးရွာမိုးရွာ ကိုယ်ကိုယ်တိုင်လည်း ထီးမဆောင်းဘူး။ ဘာကြောင့်လည်းဆိုတော့ ချစ်တဲ့သူက ကျွန်တော့်ကို ထီးလိုက်မိုးပေးပြီး မိုးရွာထဲမှာ လျှောက်သွားချင်လို့ဆိုတဲ့ နေ့ရက်တွေကို အမြဲတမ်းဆောင့်မျှော်နေလို့ပါပဲ .. ဗျာ။ (ရူးတယ်နှမ်းတယ်ပြောလည်း မတတ်နိုင်ဘူး)

“နေမြင့်လေ အရူးရင့်လေ” .. .. “အင်း” .. “ကျွန်တော့်အတွက်တော့ မိုးတွေရွာရင် အရူးရင့်လေများလား” .. ပြောမပြတတ်တော့

ကိုတိုး

Microsoft Surface

Microsoft ကတော့ လုပ်ချလိုက်ပြန်ပြီ .. Microsoft Surface Web Site က Flash ကြော်ငြာလေးကကြည့်ပြီး အရမ်းကိုသဘောကျတယ်။ နောင်လာမယ့် အနာဂတ်မှာ စီးပွားရေးလုပ်ငန်းတွေရော ကျောင်းစာသင်ခန်းတွေမှာပါ ဒီ Surface Table တွေကို ဖန်တီးပေးနိုင်ရင်တော့ အလွန်အမင်း ပါပဲဗျာ။ အသေးစိတ်အချက်အလက်ကိုတော့ Wikipedia နဲ့ Microsoft Surface မှာသွားဖတ်နိုင်ပါတယ်။

ကိုတိုး

ကလေးမွေးတိုင်း ဘေဘီဘိုက်တာနဲ့ ကိုတိုးကို သတိရပါ

“ကလေးမွေးတိုင်း ဘေဘီဘိုက်တာကို သတိရပါ” ဆိုတဲ့ ဟိုးအရင်က မြန်မာရုပ်မြင်သံကြားက ဘေဘီဘိုက်တာ ကလေးအားတိုးဆေး ကြော်ငြာလေးကို သိကြမှာပါ။ မောင်ကိုတိုးတစ်ယောက် ဒီလိုရေးလိုက်တာ တခြားတော့ မဟုတ်ပါဘူး။ ကျောင်းနောက်ဆုံးနှစ်က သူငယ်ချင်းတွေ ခွဲခွာရတော့မှာမို့ တစ်ယောက်နဲ့တစ်ယောက် အမှတ်တရစာလေးတွေရေးပေးကြတော့ ကိုတိုးတစ်ယောက် လာရေးခိုင်းတဲ့ ကောင်မလေးတွေအားလုံးကို “ကလေးမွေးတိုင်း ဘေဘီဘိုက်တာကို သတိရပါ” ဆိုတဲ့ စာလေးတစ်ကြောင်းကို ရေးပေးခဲ့ပါတယ်။ သူတို့တစ်တွေဘယ်နေရာတွေရောက်လို့ ဘယ်လိုနေကြတယ်ဆိုတာကို နိုင်ငံခြားမှာနေတဲ့ ကျွန်တော်တစ်ယောက် မသိပေမယ့် သူတို့တွေ ကလေးတွေမွေးတိုင်း ကျွန်တော့် စစနောက်နောက်ရေးပေးလိုက်တဲ့စာသားလေးနဲ့ ကျွန်တော့်ကို သတိရနေမှာပါ။

ကိုတိုး

လေစိုစို တိမ်တွေငို

လေစိုစို တိမ်တွေငို

လေစိုစို တိမ်တွေငိုပါလို့
လွှင့်နေတဲ့ ငါ့စိတ်တွေကို
ဘယ်သူ ကူလို့ပဲ့ကိုင်ပါ့မလဲ

အလွမ်းတွေအမြဲဝေနေတဲ့
ငါ့အချိန်တွေကိုရော
ဘယ်သူလာလို့ ခူးပါ့မလဲ

စိတ်ကူးနဲ့ရူး
မထူးတော့ပါဘူးဆိုပြီး
ဘ၀တစ်ခုလုံးကို
ပျင်းရိစွာနဲ့ ဆုပ်ကိုင်ထားလေရဲ့

ကိုတိုး

ဒီလိုရှိပါတယ် လူကြီးမင်း

CMS နဲ့ မနိုင်းနိုင်းစနေတို့က Tag လုပ်လို့ ရေးလိုက်ရပါတယ် .. ပိုတယ်ထင်ရင်လည်း မတတ်နိုင်ဘူး။ လိုတယ်ထင်ရင်တော့ အကြံပေးပါ။ စိတ်မနှံ ရူးနန့်နန့်လို့ပြောလည်း မတတ်နိုင်ဘူး ဗျ။ စိတ်ထဲ ရှိသာတွေရေးလိုက်ရပေမယ့် ချန်ထားသေးတယ် ဗျာ။ ရူးတူးတူး ပေါတောတော ပြောလည်း မတတ်နိုင်ဘူး။

(၁) . . . . . အနုပညာကို သိပ်ဝါသနာပါသည်။ ကိုယ်ကိုယ်တိုင်လည်း အနုပညာသည် တစ်ယောက်ဖြစ်ချင်ခဲ့၏။ အတီးအမှုတ် ကဗျာ စာပေ ပန်းချီ ပန်းပု ဓါတ်ပုံပညာတို့ ကို လွန်စွာပင် နှစ်သက်သည်။ ပန်းချီ၊ ဒီဇိုင်း နှင့် ဗိသုကာ အတတ်တို့ကို လွန်စွာပင် အရူးအမူး ပြုလုပ်တတ်ခြင်း။ ကာလပေါ်တေးသီချင်းများ နှင့် ရုပ်ရှင် နောက်ခံ တီးလုံးများကို လွန်စွာ သဘောကျခြင်း။ ကြိုက်သော သီချင်းကို တစ်ပုဒ်တည်း ရက်ပေါင်းများစွာ လပေါင်းများစွာ ဖွင့်တတ်ခြင်း။

(၂) . . . . . လူမျိုးရေး၊ ဘာသာရေး နှင့် ကိုးကွယ်ယုံကြည်မှု့တို့ အပေါ် ခွဲခြားဆက်ဆံတတ်သူများကို လွန်စွာပင် မုန်းတီးခြင်း။ လောကတွင် လူဆိုး လူကောင်း အဖြစ်သာ ခွဲခြားသင့်သည် ဟုပင် ယုံကြည်မိသူဖြစ်ပါသည်။

(ဖြေရှင်းချက်။ ။ ကျွန်တော်လို ဗုဒ္ဓဘာသာဝင် တစ်ယောက်အနေနဲ့ ရှေ့ဘ၀ နောက်ဘ၀ ကံ ကံ၏ အကျိုးနှင့် အကြောင်းကို ယုံကြည်မိသူ ဖြစ်ပါလျှင် .. ကျွန်တော် လွန်လေပြီးသော ဘ၀များနှင့် နောင်ဖြစ်လာမည့် ဘ၀များသည် မည်သို့သောလူမျိုး မည့်သည့်ဘာသာကို ကိုးကွယ်မည့်သူ ဟုမသိပါ။ ထို့ကြောင့် ထိုသို့သော “သူကဘာလူမျိုးမို့” “သူက ဘာဘာသာဝင်မို့” ဆိုပြီး ခွဲခြားဆက်ဆံမှု့များကို လွန်စွာပင် စိတ်ပျက်မိပါသည်။)

(၃) . . . . . ပြသနာများကို ဖြေရှင်းရာတွင် ခေါင်းအေးအေးနှင့် ဖြေရှင်းခြင်းထက် .. ပွဲကြမ်းတတ်ခြင်း။ မှန်တယ် ထင်ရင် ထင်တိုင်း ကျဲတတ်ခြင်း။

(၄) . . . . . လိမ်လည်သူများ ညာပြောသူများကို အလွန်မုန်းတီးတတ်သည်။ လိမ်လည် ကောက်ကျစ်တတ်သူဟု သိပါက မိတ်ဆွေအပေါင်းအသင်းအဖြစ်မှ ရပ်စဲတတ်ခြင်း။ ငွေကြေးနှင့် ပတ်သက်သော ကိစ္စများတွင် ၁ ပြား ၁ ကျပ် မှ အစွန်းအထင်း မခံခြင်း။

(၅) . . . . . အားကစားကို လွန်စွာပင် သဘောကျလှသည်။ အားကစားရုံကို သိပ်ချစ်သည်။ အားကစားကွင်းတွေကို သိပ်မြတ်နိုးသည်။ အားကစား ပစ္စည်းများကို ၀ယ်ယူခြင်းအတွက် အလွန်ဝါသနာပါသည်။ ငယ်စဉ်အခါက ဘောလုံးကန်ခြင်းကို အလွန်သဘောကျခဲ့သည်။ နောက်ပိုင်းတွင် အလေးများဖြင့် ခွန်အားသုံးကစားရသော ခန္ဓာကိုယ် ကြံခိုင်စေမည့် အားကစားနည်းကို ချစ်မြတ်နိုးစွာ ကစားမြဲ ကစားစဲ ဖြစ်ပြီး ကာယဗလနှင့် အလေးမအားကစား၊ လက်ဝှေ့၊ နဘန်း နှင့် Ju Jutsu ကဲ့သို့သော ခွန်နှင့်အားနှင့် တွန်းတွန်းတိုက်တိုက်ကစားသော အားကစားနည်းများကို အလွန်ပင် ကြိုက်နှစ်သဘောကျသည်။ Liverpool ဘောလုံးအသင်းကို ငယ်စဉ်ကလေးဘ၀မှ စ၍ယခုထက်တိုင်အောင် အရူးအမူး အားပေးသူဖြစ်သည်။

(၆) . . . . . တွေ့တဲ့လူတိုင်းကို အားကစားရုံ နဲ့ အားကစားကွင်း သွားရန် အမြဲပြောဆိုခြင်း နှင့် မသွားသွားအောင် ဖြောင့်ဖျပြောဆိုတတ်ခြင်း။ အစာအဟာရအကြောင်းများနှင့် အခြားဆေးဘက်ဝင် အပင်များအကြောင်းကို ပြောဆိုလာသူများနှင့် တွေ့ပါက အထူးနှစ်သက်သဘောကျစွာ ပြောဆိုတတ်ခြင်း။

(၇) . . . . . အဟာရဖြစ်သော အစားအစာများကိုသာ ရွေးစားတတ်သော်လည်း .. ဈေးကြီးပေးပြီး စားရသော စားသောက်ဆိုင်များကို လုံးဝမကြိုက်ခြင်း။ မန္တလေးမှ အစားအစာများကို အလွန်ကြိုက်နှစ်သက်ပြီး .. အထူးသဖြင့် ရှမ်းခေါက်ဆွဲ၊ ၀က်သားတုတ်ထိုး၊ ချပါတီ၊ ဒိုစာ (မြန်မာ အခေါ် တိုရှည်)၊ ချစ်တီးထမင်း၊ ဆိတ်ဆွပ်ပြုတ်၊ နန်းကြီး မုန့်တီ၊ ဘယာကြော်၊ ငါးချိတ်ပေါင်း၊ မန္တလေး ထမင်းပေါင်း တို့ကို အထူးခုံမင်နှစ်သက်စွာ စားတတ်ခြင်း။ စားသောက်ရာတွင်လည်း အိနြေ္ဒရရ စတိုင်လ် တစ်ခွဲသားဖြင့် ကိန်းကြီးခန်းကြီး စားသောက်ခြင်းထက် လက်ဖြင့် အားရပါးရ နှယ်ဖတ်စားသောက်တတ်ခြင်း။ ကိတ်မုန့် လက်ဘက်ရည်၊ ကော်ဖီ တိုက်ကျွေးသော မင်္ဂလာဆောင်များ နှင့် စားဆိုမှ စားရသော မင်္ဂလာဆောင်တို့ကို သွားရမှာ လွန်စွာပင် စိတ်ပျက်မိခြင်း။ စားသောက်ဆိုင်များသွားစားရာတွင်လည်း အပြင်အဆင်လွန်လွန်းလှသည့် စားဖွယ်သောက်ဖွယ်များကို စိတ်ထဲမှနေ၍ “ချီး တန်ဆာဆင်ခြင်း” လို့ အမြဲ ပြောဆိုတတ်ခြင်း။

(၈) . . . . . မူးရစ်သေစာ သောက်စားတတ်ခြင်းကို လွန်စွာ မုန်းတီးခြင်း။ ထို့ထက် အရည်မရ အဖတ်မရ အံဖတ်စို့အောင် သောက်စားမူးရစ်တတ်သော လူများကို ကြည့်၍ လွန်စွာ စိတ်ပျက်တတ်သည်။

(၉) . . . . . အလုပ်မလုပ်ပဲ ယောင်ချာချာ လုပ်နေတတ်သူများ၊ အလုပ်မကျိုးစားသူများ၊ အချိန်ဆွဲတတ်သူများ၊ အလုပ်ကို လိုအပ်သည်ထက် ပိုကြာအောင် လုပ်တတ်သူများကို တွေ့တိုင်းဒေါသထွက်မိခြင်း။ အသေးစိတ်မလုပ်တတ်သော အလုပ်များနှင့် လူများကို တွေ့တိုင်း ဒေါသထွက်မိခြင်း။ ရည်းစားဖြင့် ဖုန်းအကြာကြီး ပြောတတ်သူ ယောင်္ကျားမိန်းမ များကို ကြည့်ပြီး အမြင်ကတ်ခြင်း။ (မှတ်ချက်။ ။ တစ်နေ့လာလည်း ဒါပဲ .. နောက်တစ်နေ့လည်း ဒါပဲ .. အကြောင်းအရာတစ်ခုနှစ်ခုလောက်ကို ထပ်ခါထပ်ခါ လေကုန်ခံ၍ အရည်မရ အဖတ်မရ ဖုန်းဖြင့် ရည်းစားစကားပြောတတ်သော ယောင်္ကျားမိန်းမ များကို အချိန်ဖြုန်းတီးသူများ အဖြစ် အမြင်ကတ်တတ်သူ ဖြစ်ပါသည်။) (မှတ်ချက်။ ။ကျွန်တော်သာ သူတို့ကဲ့သို့ လေသံချိုစွာ ပြောတတ်ပါလျှင် .. အချိန်ကုန်ခံ၍ ရည်းစားစကားပြောနေမည် မဟုတ်ပါ .. အရောင်းအ၀ယ် (သို့မဟုတ်) ပွဲစား လုပ်စားမည်။ မနာလို၍ ပြောခြင်းမဟုတ်ပါ။)

(၁၀) . . . . . မည်သူ့ကို မဆိုတွေ့ပါက မျက်နှာနှင့် အခြားခြားသော ကိုယ်ခန္ဓာမှ မှဲ့များနှင့် အင်္ဂါရုပ်ကို သေချာစွာ ကြည့်ရှု့တတ်ခြင်း။ ခင်မင်လာပါက လက်ကိုင်တတ်ခြင်း ..
အဲယောင်လို့ .. လက္ခဏာကို ကြည့်ခွင့်တောင်းတတ်ခြင်း။ (မှတ်ချက်။ ။ မောင်ကိုတိုးသည် ဗေဒင် လက္ခဏာ ဆရာ မဟုတ်ပါ၊ ၀ါသနာ ပါလွန်းခြင်းကြောင့် ဖြစ်ပါသည်။)

(၁၁) . . . . . အချိန်ကို အလွန်တန်ဖိုးထားတတ်ပါသည် .. တီဗီဂိမ်း လုံးဝမဆော့တော့ပါ (မှတ်ချက် .. ဟိုးအရင်က ဆော့ခဲ့ပါ၏) တီဗီ၊ ရုပ်ရှင် ကို လိုအပ်သည်ထက်
မကြည့်ပါ (ရုပ်ရှင်ရုံတွင် ရုပ်ရှင်ကြည့်ခြင်းသည် ကျွန်တော့် အတွက် အင်မတန် စိတ်ပျက်ဖွယ် ဖြစ်ရပါသည်။ လှုပ်လှုပ်ရှားရှား အမြဲနေတတ်တဲ့ ကျွန်တော့် အဖို့ အမှောင်ထဲတွင်ထိုင်ရသည်မှာ ကျွန်တော့်အတွက်ပြသနာ တစ်ခုဖြစ်ခဲ့သည်။ ထိုကြောင့် ရုပ်ရှင်ရုံသွားခြင်း ကို ရပ်စဲထားသည်။) ကွန်ပျူတာနှင့် ရုပ်ရှင်ကြည့်ပါကလည်း ဇာတ်ကား တစ်ကားကို မိနစ်၃၀ထက်ပိုမကြည့် .. ဖိုက်တင်ခန်းများနဲ့ အခြားလေပေါခန်းများကို ကျော်ကြည့်တတ်ခြင်းကြောင့်ဖြစ်ပါသည်။ အချိန်ကုန်မှာ ကြောက်သဖြင့် အခန်းတွင်လည်း တီဗီ လုံးဝမထားပါ။ (မှတ်ချက်။ ။ တာလီဘန်ဆန်ဆန် အစွန်းရောက် နေခြင်း မဟုတ်ပါ။)

(၁၂) . . . . . တော်တဲ့ တတ်တဲ့ အရမ်းအလုပ်လုပ်တတ်တဲ့ မြန်မာဆန်ဆန် မိန်းမမျိုးကို သဘောကျခြင်း နှင့် ချစ်တတ်ခြင်း။ ဘယ်လောက်လှနေပါစေ ချောနေပါစေ Sexy ကျနေပါစေ မချစ်တတ်ခြင်း။ ပျံတန့်တန့် နန့်တန့်တန့် ရူးနန့်နန့် ဘို့ရို့ဗားယား Fashion ဖြင့် စတိုင်ထုတ် ဟန်လုပ်တတ်သော မိန်းကလေးများနှင့် ဆံပင် နီကြောင်ကြား ဘူးရိုမလေးများကို လုံးလုံးမှ လုံးဝလုံးဝ သဘောမကျခြင်း။

(၁၃) . . . . . ပေါင်းသင်းဆက်ဆံရာတွင် လူကြီးများနှင့် ပိုမိုပေါင်းသင်းမိခြင်း။ လူကြီးများရဲ့ ရှေးဟောင်းနှောင်းဖြစ် ဘ၀သင်ခန်းစာများ နှင့် အခြားသော ဗဟုသုတ အကြောင်းပြောတတ်သော လူကြီးလူငယ်တို့ကို လွန်စာလေးစားတတ်ခြင်း။ လူငယ်များနဲ့ပေါင်းသင်းဆက်ဆံရာ၌ များသော အားဖြင့် အကြောင်းအရာတိုင်းကို ဟာသနှော၍ပြောတတ်သည်။ လေသံမာမာနှင့် စကားပြောတတ်သော ကျွန်တော့်ကိုတော့ တစ်ချို့က သဘောမကျတာက အမှန်ပါ။

(၁၄) . . . . . ကလေးအလွန်ချစ်တတ်သည်။ မွေးကာစ ကလေး ပိစိကွေးလေးများ နှင့် အလွန်ချစ်စရာအရမ်းကောင်းသော ကလေးများဆိုရင် ဖြစ်ညှစ်ချင်လာလောက်အောင်
ချစ်တတ်သဖြင့် စိတ်မနဲ ထိန်းထားရတတ်သည်။

(၁၅) . . . . . “ဦးလေး” လာခေါ်သော မိန်းကလေးများကို ဒေါသထွက်မိခြင်း နှင့် မိမိကိုယ်ကိုယ် “သမီး သမီး” လို့ တင်စားပြောတတ်သော မိန်းကလေးများကို လုံးဝ အပေါင်းအသင်းမလုပ်တတ်ခြင်း။ ဘာကြောင့်လည်းဆိုတော့ ဗျာ .... သူ့ ကိုယ်သူ သူ “သမီး” လို့ နာမ်းစားပြန်သုံးမှတော့ ကျွန်တော်က သူ့အဖေ သူ့ဦးလေး အရွယ်ဖြစ်သွားပေါ့ ဗျ။ ထို့ကြောင့် “သမီး” “သမီး” လို့ နာမ်စားသုံး ပြောတဲ့ မိန်းကလေးများကို ကြည့်ပြီး စိတ်အလွန်ပျက်ရခြင်း။ (မှတ်ချက်။ ။ ကျွန်တော့် အနေနဲ့ကတော့ မိန်းကလေးတွေနဲ့ တွက်ကပ် ရန်ဖြစ်ခြင်း မဟုတ်ပါ။ ကျွန်တော့် အမြင်မှာတော့ အသက် ၂၀ လောက် ကွာမှသာ “ဦးလေး” “အန်ကယ်” ခေါ်သင့်သည်ဟု ထင်မြင်မိပါသည်။ ထိုကဲ့သို့ အသက် လေးငါးနှစ် နှင့် ၁၀ နှစ်လောက်သာ ကွာသော သူများက “ဦးလေး” လို့ ခေါ် ခြင်းသည် တော်တော် ဂွ ကျလှသည် ဟု ထင်သည်။)

(၁၆) . . . . . ကောင်းကင် နှင့် ကြယ်များကို မနက်အစောကြီးတစ်ခါ ညတစ်ခါ ငေးတတ်သည် ကြည့်တတ်ခြင်း။

(၁၇) . . . . . စွန်လွှတ်ခြင်းအတတ်ကို ငယ်စဉ်ကလေး ဘ၀မှ ယခုထက်တိ တိုင်အောင် လွန်စွာ ၀ါသနာပါခြင်း။

(၁၈) . . . . . ဆင်းဆင်းရဲရဲ ကလေးလူငယ်များကို မြင်တိုင်း ကြည့်မိတိုင်း သူတို့ဘ၀အတွက် သနားမိခြင်း နှင့် ပညာမဲ့လူတန်းစားဖြစ်သွားမှာကို လွန်စွာ အမြဲစိုးရိမ်ပူပန်တတ်ခြင်း။

(၁၉) . . . . . အိမ်သာဆေးကြောခြင်းကို လွန်စွာပင် ၀ါသနာထုံခြင်း နှင့် အိမ်သာ သန့်ရှင်းမှု့ကို သွားလေရာတိုင်း လေ့လာတတ်ခြင်း။ (မှတ်ချက်။ ။ နောင်တစ်ချိန်တွင် စည်ပင်သာယာရေးဝန်ကြီး ဖြစ်ရန် ရည်ရွယ်သည်။)

(၂၀) . . . . . ပညာရေးကို အလွန်ရူးသွပ်ခြင်း နှင့် စာပေကို အရူးပမာ လေ့လာခြင်း။ ကွန်ပျူတာ၊ CG၊ Design .. သိပ္ပံ နှင့် နည်းပညာရပ်များ၊ ဆေးပညာရပ်တို့ကို လွန်စာပင်
စိတ်ပါဝင်စားခြင်း။

(၂၁) . . . . . တိုးတက်မှု့မရှိက လွန်စွာပင် စိတ်ဆင်းရဲတတ်သူဖြစ်ခြင်းနှင့် တိုးတက်မှု့များ မှတ်တမ်းမှတ်ရာများ စာရင်းဇယားများနှင့် အလွန်အလုပ်ရှုပ်တတ်ခြင်း။

(၂၂) . . . . . အသေးစိတ်လုပ်မှု့ကို အလွန်လုပ်တတ်ပြီး သဘောမကျတိုင်း ထပ်ခါထပ်ခါ လုပ်တတ်ခြင်း။

(၂၃) . . . . . ကိုယ့်ကိုယ် နှိမ်သောသူများ၊ နှိပ်ကွပ်ခဲ့သူများ၊ နှိမ့်ချသူများ နှင့် အထင်အမြင်သေးသူများကို လွန်စွာပင် ရင်ထဲ အသည်းထဲမှ ကျေးဇူးတင်တတ်ခြင်း။ (မှတ်ချက်။
။ သူတို့ရဲ့ နှိမ်တဲ့ အထင်အမြင်သေးတဲ့ အကြည့်တွေ စကားလုံးတွေကြောင့် ပိုပိုကြိုးစားတတ်ခြင်းကြောင့်ပါ။)

(၂၄) . . . . . နှုတ်ခမ်းမွေးကားကားဖြင့် ယောင်ထုံး ထုံးထားသော ရှေးခေတ် မြန်မာ မင်းညီမင်းသားများရဲ့ ယောင်ကြီးဗွေ စတိုင်ကို ငယ်စဉ်ကလေးဘ၀မှစ၍ ယခုတိုင်
အလွန်သဘောကျသဖြင့် နောင်လာမည့် အချိန်ကာလ၌ ထိုစတိုင်ကို ထားရန် အသင့်ရှိနေသည်။ မိခင်ဖြစ်သူမှလည်း ထို ယောင်ကြီးဗွေ စတိုင်မျိုးထားရန် တိုက်တွန်းသည်။ (မှတ်ချက်။ ။ ဇာတ်ရူး၊ မင်းသားရူး၊ ဘုရင်ရူး မဟုတ်ပါ။)

ကိုတိုး

Size 34 ကို Try ကြည့်တော့မလို့ ဗျ

ကျွန်တော်က တစ်ခါတလေ အူကြောင်ကြား။ Mr. Bean ဆန်ဆန်ပေါ့။
ပြီးခဲ့တဲ့ ၃ ၄ လလောက်က ဂျင်းဘောင်းဘီ သွားဝယ်မလို့ Shopping Mall တစ်ခုကိုသွားခဲ့တယ်။ ဒါနဲ့ ဂျင်းအထည်နေရာတစ်နေရာလည်းရောက်တော့ ဟိုကြည့်ဒီကြည့်ပေါ့။ ကိုယ်ကြိုက်တဲ့ အရောင်လည်းတွေ့တော့ အစမ်းဝတ်ကြည့်မလို့ အရောင်းစာရေးမလေးတွေကို ဘေးဘယ် လိုက်ရှာမိတယ်။ ဖြစ်ချင်တော့ ဟိုလှည့်ကြည့် ဒီလှည့်ကြည့်နဲ့ ကျောဘက်အခြမ်းက မိန်းမ၀တ် ဂျင်းဘောင်းဘီတွေ ထပ်ထားတဲ့ဘက်ကို မျက်နှာလှည့်မိသွားတာ မသိလိုက်ဘူး။
ဒါနဲ့ အရောင်းစာရေးမလေးနှစ်ယောက်အနားရောက်လာတော့ သူက Size ဘယ်လောက်လဲလို့မေးတယ်။ ဒါနဲ့ ကျွန်တော်က Size No. 34 ဆိုတော့ သူက ရှာပေးတယ်။ ဒါနဲ့ ငါ အစမ်းဝတ်ကြည့်မလို့ဆိုတော့ သူက အူကြောင်ကြောင်ကြည့်နေတယ်။ ငါဘယ်နေရာနားမှာ သွားဝတ်ရမလဲ ဆိုတော့လည်း သူက ကြောင်ကြည့်နေတုန်းပဲ။ ဒါနဲ့သူက "Mister .. it's for woman" လို့ဆိုတော့ မှ .. ဟုတ်သား ဗျ .. ဟီး .. အခုခေတ် ကောင်မလေးတွေ ၀တ်တဲ့ .. ဖင်ကြပ်ကြပ် ဂွတိုတို ဗိုက်ပေါ်ချက်ပြုတ် ဘောင်းဘီပုံစံ ဗျ .. တော်သေးတာပေါ့ ဗျာ .. သွား Try ကြည့်လို့ကတော့ အကျိုးနည်းရချည်ရဲ့ ဗျာ။ ရှက်ရှက်ဆိုတော့လည်း ဟိုကြည့်ဒီကြည့် Mr. Bean ပုံစံမျိုးနဲ့ ရှောင်တခင် လှည့်ထွက်လာခဲ့ရတယ် .. ဟီး ..

ကိုတိုး

ကျွန်တော်နှင့်သူငယ်ချင်းများ (၆)

သင်္ကြန်မလည်တာ ယခုနှစ်နဲ့ဆိုရင် ၁၀ နှစ်တိတိတောင်ရှိသွားပေမယ့် ဟိုးအရင် ကျောင်းသားလူငယ်ဘ၀က ဖြစ်ကြောင်းရယ်မှ ကုန်စဉ်လေးတွေကိုတော့ စီကာပတ်ကုံးစာစီကုံးလို့ရေးရမယ် ဆိုရင်ဖြင့် ..

ကျွန်တော် ၉ တန်း နဲ့ ၁၀ တန်းနှစ် ကျောင်းပြီးခါစ လောက်ကပေါ့ ..

မျောက်ရှုံးအောင် သောင်းကျန်းလှတဲ့ သူငယ်ချင်းတွေနဲ့ သင်္ကြန်လည်ခဲ့ဖူးတယ်။ ပေါက်ကရကောင်လေးတွေလို့ ဆိုစမှတ်ပြုလည်း ဆိုရလောက်ပါပေတယ် ..

သူငယ်ချင်းတွေရဲ့ အဖေတွေ အမေတွေက အားလုံးကို ထိမ်းသိမ်းပေးဖို့အမြဲ အမှာစကားများပြောကြားတိုင်း အမြဲနားထောင်ရသူက တခြားဘယ်သူမှ မဟုတ်ပါဘူး .. ကျွန်တော်မောင်ကိုတိုးပါပဲ ဗျာ .. သူတို့လည်တာကလည်း ကမ်းကုန်လောက်ပါတယ် .. သင်္ကြန်စကတည်းက နှစ်ဆန်းတစ်ရက်နေ့အထိ လည်တယ် .. ညလည်း လည်တယ် .. တော်ပါတော့ကို ပြောယူရအောင်လည်း လည်တယ် ..

အဲ .. ညရောက်ရင်တော့ သူငယ်ချင်းအိမ်က ပလပ်စတစ်ပေပါ နှစ်ပိုင်းကို ကားပေါ်တင်ပြီး ရေခဲတုန်းထည့် တွေ့ရာလူပတ် .. ပျိုပျိုအိုအို ကလေးလူကြီး လမ်းတွေ့တာ

အကုန်ပက် ..

ဖြစ်ချင်တော့ ညလည်စာအဖြစ် မန္တလေးက ကီးမားတင်ဝင်းဆိုတဲ့ အလင်းဆိုင် (မှတ်ချက် .. အလင်းဆိုင် ဆိုသည်မှာ ညလုံးပေါက်ဖွင့်တဲ့ စားသောက်ဆိုင်လို့ ဆိုလိုပါတယ်) မှာ စားရင်း ရေ၀င်ဖြည့်လေ့ရှိတယ်။ သင်္ကြန်ရက်တိုင်းလိုလိုမှာ မန္တလေးမီတာရေလိုင်းက လာတဲ့ ရေဟာ ကလေးသေးပေါက်သလောက်သာသာ သာရှိမယ် ထင်ပါတယ် .. တစ်ခါတလေ အဲဒီ ကီးမားတင်ဝင်း လက်ဘက်ရည်ဆိုင် ရောက်ရောက်ချင်းကို သူတို့ ပန်းကန်ဆေးတဲ့ နေရာနားက ပိုက်မှာ ရေ၀င်ခံထားရင်ကို စားပြီးသောက်ပြီးတဲ့ ထိ တော်တော်နဲ့ကို ရေမပြည့်ဘူး ..

ဒါနဲ့ တစ်ရက်မှာ ...သူငယ်ချင်းတစ်ယောက်က ဘာမပြော ညာမပြောနဲ့ သူတို့ ခံထားတဲ့ ရေကို ဒန်ကန်လိုက် မလာပြီးဖြည့်တော့တာပါပဲ။ ထင်တော့ထင်သားပဲ .. ရေတွေက ဆီတွေဝေ့နေပြီး မဆလာနံ့တွေ ဒံပေါက်နံ့တွေသင်းလို့နေတော့ ပန်ကန်းဆေးတဲ့ ရေပဲဖြစ်ရမယ်လို့။ နောက် ဓါတ်မီးနဲ့ထိုးကြည့်တော့မှ ဆီတွေဝေ့နေတဲ့ နောက်ဆုံးရေကျန် ဆေးတဲ့ ရေပဲဖြစ်ရမယ်လို့။ မထူးတော့ပါဘူး ဆိုပြီး ညမှာ တွေ့သမျှ အကုန်ပက်တယ် .. ပက်တိုင်းလည်း ဒံပေါက်နံ့တွေ မဆလာနံ့တွေက သင်းလို့နေတယ် .. မန္တလေးမြို့ကတော့ သိတော်မူကြတဲ့အတိုင်းပါပဲ .. လမ်းဘေးဝယ်ယာမှာ တစ်ချို့ အငှားယာဉ်ပိုင်ရှင်တွေက ယာဉ်နောက်ပိုင်းမှာ ခြင်ထောင် ထောင်လို့ အိပ်တတ်ကြတယ်။ သူငယ်ချင်းတွေကလည်း ဆိုးမှဆိုး .. ထိုအိပ်နေတဲ့ လူတွေလည်း အငြိမ်မနေရဘူး .. ကားနဲ့ဖြတ်သွားတဲ့ အချိန် ပုံးနဲ့ပါသိပ်တော့ တာပါပဲ .. တစ်ချို့လည်း .. မအေညီမ မိုးမွှန်အောင်ကို ဆဲဆိုပြီးကျန်နေခဲ့ကြတယ် ..

ထိမ်းမရတဲ့ သူငယ်ချင်းတွေအတွက်တော့ စိတ်ပျက်မိသူက ကျွန်တော်ပါ .. ဒါပေမယ့် သူတို့တွေ ရေပက်ပြီးတိုင်း တ၀ါးဝါး တဟားဟားနဲ့ ရယ်ကြရင်လည်း လိုက်ရယ်တတ်သူက ကျွန်တော်ပါပဲ ..

မစားရ အညှော်ခံ ဒံပေါက်ရနံ့ကတော့ သင်းမှာ အမှန်ပါပဲ ..

အားလုံးခွင့်လွှတ်နားလည်း နိုင်ကြပါစေ

ကိုတိုး

ငါ .. လွမ်းလို့ပါ .. ရမ်ခမ်ဟန် ရယ်

ရမ်ခမ်ဟန် . . ရယ်

စနေနဲ့တနင်္ဂနွေကို
မင်းက လွမ်းရက်တွေအဖြစ်
သတ်မှတ် ပေးတော့မှာလား .. ရမ်ခမ်ဟန် ..

ငါ မင်းရဲ့ ရင်ခွင်ထဲမှာ
လျှောက်နေပေမဲ့
ရင်ထဲမှာ ဟာနေသလိုပါပဲ .. ရမ်ခမ်ဟန် ရယ် ..

ဟို ..........
ယိုယို့ .. နင် .. ယိုယို့ ဆောင် .. တို့
ပိုက်လုံးကိုင် အဖွဲ့ရဲ့ အော်သံတွေက
ငါ့ကို လှောင်ပြောင်နေတဲ့ အတိုင်း
ငါခံစားရပါတယ် .. ရမ်ခမ်ဟန် ရယ်..

ရမ်ခမ်ဟန် ..
ငါ့ ကို အေးမျှတဲ့ မင်းရင်ခွင်ထဲမှာ
စနေနဲ့တနင်္ဂနွေနေ့တိုင်း
ဆုံနိုင်ခွင့်တွေ အမြဲပေးပါ .. ရမ်ခမ်ဟန် ..

ငါ လွမ်းလို့ပါ .. ရမ်ခမ်ဟန် ရယ် ..

ကိုတိုး

အကြွေး (သို့မဟုတ်) ဆယ်နှစ် .. ဆယ်နှစ် .. ဆယ်နှစ်

“သေနတ်ပစ်တယ်ဆိုတာ ဒီလက်ညှိုးလေးကွေးတတ်ရတယ် .. ဒီလက်ညှိုးလေး ကွေးတတ်ဖို့အတွက် .. ဆယ်နှစ် .. ဆယ်နှစ် .. ဆယ်နှစ် သွားသင် .. ပြီးရင် ငါ့ဆီပြန်လာခဲ့ ............. ဒိုင်း .. ဟား ဟား ဟား ဟား .. .. .. ဒိုင်း .. ဟား ဟား ဟား ဟား .. .. .. ဒိုင်း .. ဟား ဟား ဟား ဟား .. ”

ဦးကျော်ဟိန်း .. အကြွေးဇတ်ကားမှ

ဘာရယ်မှ မဟုတ်ပါ .. ပညာတစ်ခုရဖို့အတွက်နဲ့ ထိုပညာရဲ့အတွေ့အကြုံရဖို့အတွက် နှစ်ပေါင်းများစွာ ကြိုးစားကျင့်ကြံဖို့လိုတယ်ဆိုတာလေးကို တွေးရင်း .. ဦးကျော်ဟိန်းရဲ့ စကားကိုပြန်ပြောင်းသတိရခြင်းပါ။

အိုင်တီနယ်မှာလုပ်နေတဲ့ လူတွေဆိုရင် ထွက်သမျှအသစ်အဆန်း နည်းပညာများ၊ ဆော့ဝဲလ်များ နဲ့ ဘာသာရပ်တွေကို နှစ်စဉ်နှစ်တိုင်း ပိုလို့တောင် လေ့လာရလိမ့်မယ်။ တစ်ချို့လည်းရှိပါတယ် ... ကိုယ်သွားနေတဲ့လိုင်းပေါ်က ပညာသစ်တစ်ခုကို မလေ့လာသေးပဲ “ငြီးငွေ့တယ်” တို့ “ပြင်းစရာကြီး” တို့ ဆိုတဲ့ ဝေါဟာရတွေကို ပြောတတ်ကြပါတယ်။ ဒါပေမယ့် သိထားတော့ ပိုကောင်းတာပေါ့။ မလေ့လာပဲနဲ့နေရင်လည်း .. အသုံးလိုတော့မှ ထလေ့လာခဲ့ရင် သူများထက် နောက်ကျသွားတတ်ပါတယ်။ ကျွန်တော်ဆိုလိုချင်တာကတော့ .. ကိုယ်အသုံးကျမည့် ဆော့ဝဲလ်တွေတို့ ဘာသာရပ်တွေကို အကြွေးမထားတာပဲ လေ့လာလိုက်စားတာ ကောင်းပါတယ်။

ကိုတိုး

ပရိတ်ကြီး ၁၁ သုတ် နှင့် ဆဲဗန်းအလဲဗန်း

မနေ့က အလုပ်က ထိုင်းမလေးတစ်ယောက် ဖခင်ဆုံးလို့ အသုဘရှု့သွားခဲ့တယ်။ ဟိုလည်းရောက်ပြီးခဏကြာတော့ ထိုင်းဘုန်းတော်ကြီးများက ရွတ်ဖတ်ကြပါတယ်။

ဒါနဲ့ .. ဘေးက ထိုင်းမလေးကို “ဘုန်းကြီးတွေ ဘာရွတ်နေသလဲဆိုတာ နင်သိသလား” လို့မေးတော့
သူက “တစ်ချို့သာသိပြီး တစ်ချို့ကို မသိကြောင်း” ပြန်ပြောပါတယ်။

နောက်တော့ ပရိတ်ကြီး ၁၁ သုတ်အကျဉ်းကို ရွတ်နေချိန်တွင် မောင်ကိုတိုးက ထပ်၍မေးခွန်းထုတ်ပါတယ် ..
“အခု ဘုန်းကြီးတွေ ဘာရွတ်နေသလဲဆိုတာရော သိသလား” လို့မေးတော့
“သူက မသိကြောင်း” ပေါ့။

ဒါနဲ့ပဲ ကျွန်တော်က “အခု ပရိတ်ကြီး ၁၁ သုတ်ရွတ်နေကြောင်း” ကိုပြောတော့ .......... ဟိုး .. တစ်ယောက်ကျော်က ထိုင်းမလေးက နားစွန်နားဖျားကြားပြီး “ကိုတိုး ဒီနေရာနားမှာ ဆဲဗန်းအလဲဗန်း ဆိုင်မရှိဘူးလို့” လှမ်းဖြေလိုက်တယ်။ သူ့အပြောကြောင့် ရယ်မိကြပေမယ့် အသုဘမှာလည်းဖြစ် ဘေးက တစ်ယောက်နှစ်ယောက်က ကြည့်နေလို့လည်းဖြစ် .. ရယ်ချင်စိတ်ကို မနည်း ပါးစပ်ကြီးပိတ်ပြီး ထိမ်းထားပေကြမယ့် စပ်ဖြီးဖြီးဖြစ်နေတဲ့ ကျွန်တော်တို့အမူအရာတွေကိုတော့ ပုန်းကွယ်လို့မရတာ မြင်တဲ့လူတိုင်း သိမှာပါ။

သူလည်း ၁၁ ပါတာနဲ့ နားစွန်နားဖျားကြားပြီး ...

ကိုတိုး

Ghost

ရုံးက လူကြီးတစ်ယောက်က ကျွန်တော့်အခန်းပေါက်ရောက်လာပြီး

“မင်း Ghost နဲ့ပတ်သက်လို့ Experience ရှိလား” ဆိုတဲ့မေးခွန်းနောက်မှာ ..

ဒီက မောင်ကိုတိုးကလည်း “ရှိပါတယ်” ပေါ့။

သူ Ghost နဲ့ပတ်သက်လို့ ထပ်မေးရင်တော့ ... ကျွန်တော် သရဲခြောက်ခံရတဲ့ အကြောင်းတွေ တလှေကြီးပြောမယ်လို့ စဉ်းစားနေတုန်း

“ငါ့ ကွန်ပျူတာက Data တွေအားလုံးကို OS နဲ့ Software အသစ်မတင်ခင် Ghost သုံးပြီး Backup လုပ်ချင်တယ်” လို့ သူကဆိုတော့မှ ..

“ရပါတယ် ကျွန်တော် သိပါတယ် လုပ်တတ်ပါတယ်လို့” ချော်လဲရောထိုင် ဖြေလိုက်ရတယ်။

တော်သေးတာပေါ့ .. တကယ့် Ghost နဲ့ Norton Ghost Software နဲ့ မှားမသွားလို့ .. ဟီး ..

ကိုတိုး

ခံစားချက်များ (၂)

တစ်ခါတလေတော့လည်း စိတ်ပျက်မိတယ်။ Customer ခိုင်းသမျှ ကောင်းကောင်းမကောင်းကောင်း အနုပညာမဆန်၊ အနုပညာမမြောက်လည်း လုပ်ရတာပဲ။ ပိုက်ဆံအတွက်လုပ်နေရပေမယ့် အနုပညာအတွက်တော့ စိတ်မချမ်းမသာဖြစ်မိသူက ကျွန်တော်ပါ။ အောက်ကြေးနဲ့လုပ်ရတဲ့ အလုပ်မျိုးဆိုရင် ပိုတောင်ဆိုးပါသေးတယ်။ ဘယ်တတ်နိုင်မလဲ ကိုတိုး ရေ ..

သူတို့ပြောသမျှလိုက်လုပ်နေရတာက “မချစ်သော်လည်း အောင့်ကာနမ်း” နေရတာနဲ့ အလားတူပါပဲလို့ တွေးရင်း

ကိုတိုး

သူ ... သိပါစေ

သူ ... သိပါစေ

အဝေးကနေ
ကြည့်နေရပေမယ့်
သူမြင်ပါစေ

အဝေးကနေ
ပြုံးပြရပေမယ့်
သူနားလည်ပါစေ

အဝေးကနေ
စကားတွေပြောပေမယ့်
သူကြားပါစေ

အဝေးကနေ
သိပ်ချစ်နေရပေမယ့်
သူသိပါစေ

တိတ်တခိုးနဲ့
ချစ်နေရတဲ့ ဘ၀ကို
သူ ထာဝရ
နားလည်ပေးပါစေ။

ကိုတိုး

Cute Baby

ကလေးချစ်တတ်တဲ့ ကျွန်တော် ဒီပုံလေးကို Friendster က User တစ်ယောက်ဆီကနေ Copy ကူးလာခြင်းပါ။ ခွင့်မတောင်းပဲ ကူးတော့ ခိုးတယ် လို့ဆိုလေမလား။ ဘာပဲဖြစ်ဖြစ်ပေါ့ ဒီ ၀၀ ကစ်ကစ် ကလေးလေးရဲ့ လျှာတစ်လစ်လေးနဲ့ အမူယာကို သဘောကျလွန်းလို့ပါ။

ရုံးက ကလေးရူးရူးနေတဲ့ ဗိုက်စကြီးခါစ ထိုင်းမလေးတစ်ယောက်ကို ဒီပုံလေးပြတော့ သိပ်သဘောကျလွန်းလို့ တစိမ့်စိမ့်ကြည့်နေတာက အမှန်ပါ။ ကျွန်တော်တောင် ကလေးချစ်တတ်ရင် ကလေးကို ၀မ်းလွယ်ထားတဲ့ မိခင်လောင်းတစ်ယောက်အနေနဲ့ ဘယ်လောက်များ ချစ်တတ်မလည်း ဆိုတာ သူ့ကို ကြည့်ရင်း နားလည်မိပါတယ် ဗျာ။

Title: Cute Baby

My Photo Gallery 9

Title: Standing on Patthaya Beach

မျက်နှာမြင် ရိုက်ချင်ပါစေ

လူတွေ ကိုယ့်ကို အမြင်ကတ်ချင်ရင် လွယ်လွယ်လေး။ ချယ်ဆီးနည်းပြ မိုရင်နို (Jose Mourinho) လို သူ့လုပ်စာထိုင်စားနေတဲ့ အလား မျက်နှာထားနဲ့နေပြီး စကားကို အထက်စီးကပြော၊ ဖာဂူဆန် (Sir Alex Ferguson) လို အော်ငေါက်၊ ဂျွန်စတီးဝတ်(ဒ) (Jon Stewart) လို အပြစ်တွေလိုက်ရှာပြီး ပျက်လုံးတွေထုတ်သလိုလို နဲ့ အတည်ပေါက်နဲ့ပြော၊ စတိဂျော့(စ) လို (Steve Jobs) မဟားဒယား နာမည်တပ်ပြီး လိုက်တာ ကောပေတော့။ သိပ်များများ လုပ်စရာ မလိုပါဘူး .. နှစ်လ လောက်သာစမ်းကြည့် .. “မျက်နှာမြင် ရိုက်ချင်ပါစေ” ဆိုတဲ့စကား အမြဲသာကြားရမည်သာမှတ်ပေတော့ ဗျာ။

ကိုတိုး

သိလား ... သိလား

တစ်ချို့တွေ စကားပြောရင် သတိထားမိကြမှာပါ။ မေးခွန်းတောင် မမေးရသေးဘူး ... သိလား .. သိလား .. ဆိုတာပေါ့။ အင်္ဂလိပ်တွေမှာလည်း ရှိပါတယ် .. You know .. You know ပေါ့။ ဒါပေမဲ့ဗျာ .. တစ်ချို့များ ရိုးရိုးမမေးဘူး .. လက်နဲ့တို့ပြီး သိလားသိလား ဆိုတော့လည်း ကျွန်တော့်မှာ ဒုက္ခ။ တစ်ခါတလေ စိတ်ပေါက်နေရင်တော့ “နေပါဦးဗျာ .. မေးတောင် မမေးရသေးဘူး .. ခင်ဗျားက သိလား သိလား ဆိုတော့ ကျွန်တော်က ဘာပြန်ဖြေရမှာလဲ” လို့ လေသံမာမာနဲ့ ဟောက်လိုက်ရတယ်။

ကိုတိုး

ခံစားချက်များ (၁)

ဘာကြောင့်ရယ်မှန်းမသိ .. ဒီရက်ပိုင်း အမေနဲ့ ဆုံးပါးသွားတဲ့ အဖေရဲ့မျက်နှာကို အမြဲတမ်းမြင်မြင်နေမိတယ်။ အဖေ့ကိုတော့ အိမ်မက်ထဲမှာ ဟိုးတစ်လောက နေ့တိုင်းလိုလို မြင်မက်ခဲ့တယ်။ ကျွန်တော့်စိတ်ထဲမှာတော့ မိဘတွေနဲ့ အတူနေရတဲ့ သူငယ်ချင်းအသိုင်းအ၀ိုင်းတွေ၊ မိဘတွေနဲ့ တွဲသွားတွဲလာလေ့ရှိကြတဲ့ လူတွေတွေ့တိုင်း၊ သူတို့တွေ စားသောက်ဆိုင်တွေမှာ မိသားစု ပီပီ မိသားစုပုံစံ ၀ိုင်းဖွဲ့စားသောက်ကြတာတွေကို တွေ့တိုင်း စိတ်ထဲမှာ ဘယ်လိုမှပြောမထွက်တဲ့ ၀မ်းနည်းမှု့မျိုးကို အမြဲတမ်းခံစားခဲ့ရတယ်။ အဖေမရှိတဲ့ နောက်ပိုင်းမှာ အလုပ်ကပြန်ရောက်လို့ ညနေထမင်းစားတိုင်း ဘေးကနေ စကားတွေအမြဲပြောတတ်တဲ့ အမေ ကို ညနေထမင်းဆိုင်မှာသွားစားတိုင်း နေ့တိုင်း သတိရမိတယ်။ ဟင်းချက်ကောင်းတဲ့ အမေ့ရဲ့ လက်ရာအကြောင်းတွေကိုတော့ ဒီက မြန်မာဆိုင်မှာ စားရင်းသောက်ရင်း တစ်ခါတလေ ဆိုင်ကလူတွေကို လေကြွားပြောပြရတာ အမော ပါ။ ဘာပဲဖြစ်ဖြစ် ဖြစ်သမျှကံ နဲ့ လုပ်သမျှကံ အကောင်းလို့သတ်မှတ်ပြီး ကိုယ့်အားကိုယ်ကိုး ကိုယ့်ကိုယ်ကို အားပေးသမှု့ပြုပြီး အမြဲရုန်းကန် နေရမှာပဲ လို့အောင်းမေ့မိပါတယ်။ ကျွန်တော်လို ဘ၀တူတွေ ရှိရင်လည်း ကျွန်တော့်လိုပဲ ခံစားမိကြလိမ့်မယ်လို့ ထင်မိပါတယ် ဗျာ။

အပေါ်ကပုံလေးတွေကတော့ နိုင်ငံခြားထွက်မလာခင်တုန်းက Scan လုပ်လာခဲ့တဲ့ပုံလေးတွေပါ။ အဖေနဲ့အမေ အိမ်ထောင်ကျကာစတုန်းက ပုံရယ်၊ ကျွန်တော် ၃ လသားအရွယ်လေးတုန်းက ပုံရယ်၊ မှတ်မှတ်ရရ ကျွန်တော် ပထမတန်းတုန်းက ကျောင်းက ဆံပင်ညှပ်ခိုင်းလို့ ကိုယ့်ဆံပင် ကိုယ် ကပ်ကြေးနဲ့ ညှပ်လိုက်ရာက ပုံမလှပန်းမလှ ဘူးသီးကြွက်ကိုက်ကေ ထွက်လာတဲ့ပုံကို အမှတ်တရ ရိုက်ထားတာလေးတွေပါ။

My Photo Gallery 8

ဒါကတော့ University Expo တစ်ခုသွားရင်းနဲ့ သူတို့ဆီက အနုပညာ တက္ကသိုလ်ကျောင်းသူတစ်ဦးရဲ့ အကဟန် ကို ရိုက်ထားတာပေါ့ ဗျာ။

Title: Dancing Angel

မင်းသမီးတစ်ပါး ... (သို့) မင်္ဂလာပါ မထက်ထက်မိုးဦး

လယ်ထွန်သွားနွားမေ့ဆိုသလို .. ကိုတိုးတစ်ယောက် ညီတော် ကိုယ်တော်လေး မျိုးကျော်ထွန်းမှာလိုက်တဲ့ ပစ္စည်းများမေ့သွား၍ အနီးနားက 7 11 (ဆဲဗန်း(န) အလဲဗန်း(န)) ဆိုင်သို့ထပ်ပြေးရတယ်။ ဆိုင်ထဲဝင်ဝင်ချင်းတော့ မြန်မာလိုပြောသံတွေကြားနေရတယ်။ ထိုင်းမှာတော့ ဘယ်နေရာသွားသွား မြန်မာတွေ ချည်းပါပဲ။ ဒါနဲ့ ဆိုင်ထဲမှာ လိုချင်တဲ့ ဆပ်ပြာမှုန့်ထုပ်ကို လိုက်ရှာရင်း မထက်ထက်မိုးဦး နဲ့ အမှတ်မထင် တွေ့ခဲ့တယ်။ အူကြောင်ကြောင်နိုင်လှတဲ့ ကျွန်တော့်ရဲ့အတွေးမှာ “ဒီအမျိုးသမီးကို ဘယ်နေရာမှာ မြင်ဖူးပါလိမ့်” ဆိုတဲ့ မေးခွန်းနောက်မှာတော့ မထက်ထက်မိုးဦး ဆိုတာသိသွားပါလေရဲ့ဗျာ။ “မထက်ထက်မိုးဦး နော် .. မင်္ဂလာပါ .. တွေ့ရတာဝမ်းသာပါတယ်” ဆိုပြီး လက်ဆွဲနှုတ်ဆက်လိုက်ပါတယ်။ ကိုတိုးတစ်ယောက်ကတော့ အမျိုးသမီး အကြီးအငယ် နဲ့ မိတ်ဆက်တိုင်း မထင်ရင် မထင်သလို လက်ကိုင်နေကြ .. (အဲယောင်လို့) လက်ဆွဲနှုတ်ဆက်တဲ့ အကျင့်ပါနေခြင်းပါ။ ထက်ထက်မိုးဦး ဆိုတဲ့ မင်းသမီးကို ပထမဦးဆုံး အပြင်မှာ စမြင်ဖူးခြင်းပါ။ မထက်ထက်မိုးဦးက လှတော့လှပါတယ် ဗျာ .. ဒါပေမယ့် ရွာက တောကလေးများ အုံးဆီမလိမ်းလို့ ဆံပင်တွေက သံချေးကိုက်နေတဲ့ အလား နီကြောင်ကြောင် ရွှေရောင်တွေဆိုးထားလေရဲ့။

ကဲပါလေ .. သူနဲ့ အာလာဘ သလာဘ လေးနည်းနည်းပြောဖြစ်ပေမယ့် .. နှုတ်ခမ်းမွေး မုတ်ဆိတ်မွေး ဘရဗျစ်နဲ့ အားကစားလုပ်ပြီး ပြန်လာခါစ ချွေးနံ့တွေတထောင်းထောင်းကြိုင်လှိုင်သင်းနေတဲ့ ကျွန်တော့်ကိုတော့ သူ့ရဲ့ ဓါတ်ရှင်ထဲက လူဆိုးတစ်ယောက်အနေနဲ့ပဲ မြင်မိပါလိမ့်မယ်။

သူရဲ့ အနုပညာကို အစဉ်လေးစားလျှက်

ကိုတိုး

ဘယ်တော့မှမမေ့ဘူး

တစ်ရက်တော့ ကျော်ကြီးရောက်လာပါလေရော။ ကျော်ကြီး ဆိုတာက ကျော်ဝင်းဆွေ ပေါ့။ ကျွန်တော့်သူငယ်ချင်း။ အိမ်ကတော့ သိတဲ့ အတိုင်းပဲ ညီအကိုသုံးယောက်ရှိတော့ သူငယ်ချင်းအပေါင်းအသင်းတွေလာတာများတယ်။ ကျွန်တော်ကလည်း သူလာနေတုန်း ကမ္ဘာမြေကို နောက်သို့လှည့်ခိုင်းနေလိုက်တာ လွန်ပါလေရော။ ကမ္ဘာမြေကို နောက်သို့လှည့်ခိုင်းတာတော့ တခြားမဟုတ်ပါ။ ဟိုးအရင်က ဦးကျော်ဟိန်း .. နောက်တော့ ကိုဇော်ပိုင် ဆိုထားတဲ့ ဘယ်တော့မှမမေ့ဘူး ဆိုတဲ့ သီချင်းထဲက “ဒီ ကမ္ဘာမြေကို နောက်သို့လှည့်ခိုင်းပြီး အရာရာ အစက ပြန်စလို့ရရင် .. အရင်လိုမျှော်လင့်ချက်နဲ့ .. ရှင်သန်အားမွေးလိုက်ချင် .. ” စာသားတွေပါ။ သူလည်း အိမ်လာတိုင်း ဂိမ်းဆော့၊ မဆော့ရင် စာအုပ်ဖတ်၊ မဖတ်ရင်လည်း စကားပြောပေါ့။ ကျွန်တော်ကလည်း အဲဒီသီချင်းရဲ့ ကော့ဒ်တွေကို အလွတ်ရအောင် အသားကုန် တစ်ခေါက်ပြီးတစ်ခေါက် ဂစ်တာတီးရင်း ဆိုနေတော့တာပါပဲ။

နောက်တစ်နေ့ကျတော့ သူလာတုန်း ညီတော် ကိုယ်တော်လေး မျိုးကျော်ထွန်းကပါ အဲဒီသီချင်းကို ဆိုပြီး အလွတ်ရအောင် တီးနေတော့ သူက အခုလို သူငယ်ချင်းတွေကြားမှာ ဟာသလေး တစ်ခုအဖြစ် ပြောပြတတ်ပါတယ်။ “ကိုတိုးတို့ ညီအကိုတွေများ လွန်ပါရော .. ကမ္ဘာကို အကိုက နောက်ပြန်လှည့်ခိုင်းလိုက် .. ညီက နောက်ပြန်လှည့်ခိုင်းလိုက်နဲ့” ဆိုတာပါပဲ ဗျာ။

ဘာရယ်မှ မဟုတ်ပါဘူး .. ဒီသီချင်းကို ဆိုတိုင်း ကျော်ကြီးပြောပြောနေကျ ဟာသလေးကို သတိရရင်း .. ရေးလိုက်ရခြင်းပါ ..

ကိုတိုး

ဇာတ်ကြမ်းကသူ တစ်ဦး

ဇာတ်ကြမ်းကသူ တစ်ဦး

ခွဲခြားမှု့များရဲ့
ကားလိပ်နောက်ကွယ်က
စိတ်က အမာရွတ်များ ကို
ကျွန်တော် မဖယ်နိုင်သေးတာက
အမုန်းတစ်ခု မဟုတ်ပါ ..

မပြည့်စုံမှု့တွေကို
ဖြည့်နေရတဲ့ စာပိုဒ်တစ်ခုကို
စာစီကုံးလို့ ရုန်းနေရတဲ့ ဘ၀ကို
စာနာမယ် ဆိုရင်
နားလည်ပေးပါ ..

လွယ်သူ လူအများ
လည်သူ ကျော်စားတတ်တဲ့
ဒီလောကမှာ
ကျွန်တော်လို တစ်ယောက်အတွက်
အကြွေစုတဲ့ ကလေးစုဘူးနဲ့
ပမာပြရုံပါ ..

လှံတွေ ကံတွေအကြောင်းကို
ပမာပြုလို့
ကြိုးစားမှု့အရင်းတည်
ဆက်လျှောက်ရပါဦး မည် ..

ကိုတိုး

မကြောက်ကြပါနဲ့

မကြောက်ကြပါနဲ့

မနူးမနှပ်
ခရူးကပ်ကေနဲ့မို့
ရူးနံ့နံ့တော့
မထင်လိုက်ပါနဲ့

အတွေးသိပ်တောက်တော့
တစ်ခါတလေ
ကလေးစိတ်
မပျောက်သေးပါ

ပေါက်ကွဲရင်
ထင်တိုင်းကျဲ
စိန်ခေါ်ရင်
လိုက်နွဲတတ်ပေမယ့်
မိုက်ရူးရမ်းကား
တစ်ရွာသားတော့ မဟုတ်ပါ

ကိုတိုး

မပြောလည်း သိပါတယ်

မပြောလည်း သိပါတယ်

အထီးကျန်လှတဲ့
ကွန်ပျူတာ တစ်လုံးရဲ့ အရှေ့မှာ
မောက်(စ) နဲ့ ကီးဘုတ်ကို
အဖော်လုပ်ရင်း
ငါထိုင်နေတယ် . . .
အဝေးက အချိန်တွေကိုတော့
လှမ်းကြည့်နေမိတာကတော့ နေ့တိုင်းပါ . . .
အချစ်အတွက်နဲ့ သစ်ရွက်လို
ငါ့ကြွေခဲ့ပြီပေါ့ . . .
အပြုံးတွေ မရှိတဲ့
ရင်ခုန်သံတွေကို နားလည်နေမိပါတယ် . . .
ငါဖတ်နေတဲ့ စာအုပ်တွေလို
မင်းက ချိုမြိန်မယ်ဆိုရင်တော့
အပျော်ရွှင်ဆုံးနေ့ရက်တွေနဲ့အတူ
ထာဝစဉ် လက်တွဲသွားချင်တယ် . . .

ကိုတိုး

အချစ်ရဲ့ အဆီအနှစ် အရသာ

အချစ်ရဲ့ အဆီအနှစ် အရသာ

အချစ်
အမုန်း
အလွမ်း
အဆွေး
အတွယ်အတာ
အားလုံးကို ရောစပ်ကြည့်လိုက်ရင်တော့
အဆိုး
အကောင်း
အကျိုး အကြောင်းတော့ ဖြစ်လာမှာပါ
အချစ်ရယ် ..

ကိုတိုး

ငါ့ဘကြီးရဲ့ မခင်နှင်းဆီ

“မခင်နှင်းဆီ ရယ် .. မခင်နှင်းဆီ ရယ် .. တဖက်သတ်ကျိတ်ပိုးလေးနဲ့ တိတ်တခိုးဆွေးတဲ့ ကျွန်တော်ရယ် .. ဘာပဲပြောပြော ရာဇ၀င်ရှိတယ် .. ခုတော့လဲ ဒါတွေ ဒါတွေ ပြီးခဲ့ပါပြီ .. ပြီးခဲ့ပါပြီ .. ဒါပေမယ့်လည်း .. တစ်ရံတစ်ခါတော့ .. သတိရနေပါသည် .. သြော် .. သြော် .. ငယ်ငယ်တုန်းက .. မခင်နှင်းဆီ .. ”

အဆိုတော်ကိုလွှမ်းမိုး ဆိုတဲ့ သီချင်းပေါ့၊ အခုနားထောင်ဖြစ်တာက ရာဇာဝင်းတင့်ကပြန်ဆိုထားခြင်းပါ ..

အဲ .. အဲဒီသီချင်းကို ကိုတိုးတစ်ယောက် သိပ်ကြိုက်တာပေါ့ .. တစ်ပတ်ကိုတော့ အနည်းဆုံး တစ်ခါ နှစ်ခါလောက် နားထောင်ဖြစ်ပါတယ် .. ဒါပေမယ့် ဟိုးတလောက ဒီသီချင်းကို ဘာရယ်ကြောင့်မှန်းမသိ ရုံးမှာ အဲဒီ သီချင်းတစ်ပုဒ်တည်းကိုပဲ .. လေးငါးရက်လောက်ဆက်တိုက်လောက် နားထောင်ဖြစ်တယ်။ ရုံးမှာ နားထောင်တယ် ဆိုလို့ Speaker နဲ့တော့ မထင်လိုက်ပါနဲ့ .. Headset နဲ့ပါ ဗျာ .. ဒါပေမယ့် အသံလေးတင်ထားတဲ့ အတွက် ဘေးနားကလူကတော့ ကျွန်တော်ဘာနားထောင်နေသလဲဆိုတာကို အတိုင်းသားကြားနေရမှာပါ။ ဒီအတွက် .. သူ့မှာ စိတ်အနှောက်ယှက်ဖြစ်စရာမလိုပါဘူး .. သူလည်းထိုနည်းတူပါပဲ .. သူ့သီချင်းသူ Headset နဲ့နားထောင်တတ်ကြပါတယ်။ သူ့သီချင်းကိုယ်ကြား ကိုယ့်သီချင်းသူကြားပေါ့။ ကျွန်တော် မြန်မာသီချင်းတွေ နားထောင်တတ်တယ်ဆိုတာကိုတော့ သူတို့သိပါတယ်။

ဒါပေမယ့် .. မှတ်မှတ်ရရ .. တနင်္လာနေ့လောက်ကနေ စလိုက်တာ သောကြာနေ့လောက်လည်းရောက်တော့ အရှေ့က ထိုင်းမလေးက နောက်ကိုလှည့်ပြီး စပ်စပ်စုစုနဲ့ .. “ဘာလို့ ဒီသီချင်းတစ်ပုဒ်တည်းကို နေ့တိုင်းဖွင့်နေရတာလည်း .. ပြင်းစရာမကောင်းဘူးလား .. ဘာကိစ္စနဲ့ ဒီလောက်တောင် ဒီသီချင်းကို ကြိုက်ရတာလဲ .. သီချင်းအဆိုတော်နဲ့ သီချင်းနာမည်ကရော” လို့ ဆက်တိုက်မေးခွန်းတွေနောက်မှာ ကျွန်တော်ခပ်တည်တည်နဲ့ “ငါ့ဘကြီးရဲ့ မခင်နှင်းဆီ” လို့ ဖြေလိုက်ပါတယ်။ ကြောင်စီစီလုပ်နေတဲ့ သူ့ကိုကြည့်နေရင်း သူ နောက်ထပ်ဘာမေးခွန်းတွေထပ်မေးမလဲဆိုတာကို ကျွန်တော့်အနေနဲ့ သိပါတယ် .. ဒါပေမယ့် “မင်းအလုပ်ကို မင်းလုပ်ပါလား .. သိချင်ရင်နောက်မှ ငါ့ဘကြီးနဲ့ မခင်နှင်းဆီအကြောင်းကိုမေးပါလား” ဆိုပြီး အတည်ပေါက်နဲ့ထပ်ပြောလိုက်တော့မှ “အိုကေ .. အိုကေ” ဆိုပြီး လှည့်သွားပါတော့တယ် ဗျာ။ ပြောလိုက်တဲ့ စကားအတွက် သူ့နောက်ကနေ ကြိတ်ပြီးပြုံးနေတဲ့သူကတော့ ကျွန်တော်ပါ ဗျာ။

အန္ဒိယလေသံဝဲ၀ဲဖြင့် အမြဲပြောပြောတတ်တဲ့ သူငယ်ချင်းတစ်ယောက်ရဲ့ “ငါသူ့ကို ခါးတည်တည် (ခပ်တည်တည်) နဲ့ ပြောလိုက်တယ်” ဆိုတဲ့ စကားလေးကို သတိရရင်း

ကိုတိုး

သူငယ်ချင်းရဲ့ ရဟန်းခံပွဲ သို့တစ်ခေါက်

ဟိုတစ်နေ့က သူငယ်ချင်း ဘန့် ရဲ့ ရဟန်းခံပွဲကို ညီတော် ကိုယ်တော်လေး မျိုးကျော်ထွန်း နဲ့ သွားခဲ့တယ်။ ထိုင်းနိုင်ငံရောက်တာ ၃ နှစ်နီးပါး ရှိပေမယ့် ဘုန်းကြီးကျောင်းကို ၃ ခါလောက်ပဲ ရောက်ခဲ့တယ်။ ၃ ခါလောက်ပဲ ရောက်တယ်ဆိုလို့ ဘာသာတရားမကိုင်းရှိုင်းဘူးလို့တော့ မထင်လိုက်ပါနဲ့ ဗျာ။

မနက် ၇ နာရီကျော်လောက် က Taxi စီးသွားလိုက်တာ ၈ နာရီကျော်ကျော်လောက်မှ ရောက်တယ်။ ဘုန်းကြီးကျောင်းကတော့ မြဘုရားနားက ရှေးဟောင်းဘုန်းတော်ကြီး ကျောင်းပါ။ စ၀င်ကတည်းက ကျောင်းပရ၀ဏ်အတွင်းက ထိုင်း သုခုမ အနုပညာ လက်ရာတွေကို ငေးရတာ အမောသားပါ။ ကျောင်းအတွင်းမှာတော့ ကိုယ့်ထက် ဦးအောင်ရောက်နေတဲ့ သူငယ်ချင်းတွေ စုံလို့ပါပဲ။ ခဏနေတော့ ဘုန်းကြီး ဘန့် သင်္ကန်းမစီးမှီ ဖိုးသူတော်လို အဖြူရောင် သင်္ကန်းပတ်ပြီး ထွက်လာပါတယ်။ ပွဲလာ ဆွေမျိုးညာတိ မိတ်သင်္ဂဟ အပေါင်းတို့ကလည်း ဘုန်ကြီး ဘန့် နဲ့ ဓါတ်ပုံတွေ ရိုက်ကြပေါ့။ ဒါပေမယ့်လည်း အသွင်မတူ အနေထိုင်မတူ စကားမတူတဲ့ ကျွန်တော်တို့ ညီအကို နှစ်ယောက်ကိုတော့ တိုင်းတပါးသားတွေလို့ လူတွေက ရိတ်မိနေတာကိုတော့ သိပါတယ်။ နောက်တော့လည်း ဘုန်းကြီး ဘန့်ကပဲ “မြန်မာပြည်မှ သူငယ်ချင်းများ”လို့ အားလုံးနဲ့ မိတ်ဆက်ပေးပါတယ်။ ပြီးတာနဲ့ ကျောင်းကို ပတ် ဘုရားကျောင်းဆောင် အတွင်းမှာ ရွတ်ဖတ်ပြီး သင်္ကန်းစီးပါတယ်။

အဲ .. နောက်ဆုံး အစီအစဉ်ကတော့ ကိုတိုးတို့ အကြိုက် “အလှူ” ပါပဲ။ ဘူဖေး ပုံစံ ဟင်းလျာတွေ မြင်ကတည်းက ပြေးဆွဲချင်တာ မနဲစိတ်ထိမ်းထားရတယ်။ စားဆိုတာနဲ့ သူငယ်ချင်းအားလုံးကလည်း အကြံတူ ဟန်မမူသူတွေမို့ အပြေးအလွှားသွားဆွဲရင်း တီးကြပေမယ့် “ဟိုကောင်လေးတွေက မြန်မာလေးတွေ” ဆိုတဲ့ ပွဲလာ ပရိတ်သတ်တွေရဲ့ အကြည့်တွေကြောင့် အ၀တီးချင်တဲ့ စိတ်ကို ဘရိတ်အုပ်ခဲ့ရပါတယ်။ ဟင်းတွေကလည်း ထိုင်းအစားအစာတွေနဲ့ ထိုင်းအချိုပွဲတွေဆိုတော့ ပြောနေစရာ မလိုတော့ ပေမဲ့ ဒီစာရေးရင်းကတော့ နောက်ဘယ်ပွဲတွေများ သွားကြိတ်ရမလဲဆိုတာကို စိတ်ကူးနေဆဲပါ။

ကိုတိုး