၁၁ နှစ်၊ (၅၇၀ပတ်) ကျော်ကြာပြသဆဲပြသမြဲဖြစ်သော ထိုရုပ်ရှင်

မင်းသား ရှာရုဒ်ခန်း(န) (Shah Rukh Khan) ဟာဆိုရင်ဖြင့် မြန်မာနိုင်ငံရှိ အိန္ဒိယ ရုပ်ရှင်စွဲ ပရိဿတ်များရဲ့ အသည်းကျော် မင်းသားတစ်ယောက်ပါပဲ လို့ ပြောလျှင် မှားမည်မထင်ပါ။ သူ့ကို လူတိုင်းလိုလို သိကြပါလိမ့်မယ်။ သူ နှင့် မင်းသမီး ကာဂျိုး(လ်) တို့ ပါဝင်သရုပ်ဆောင်ထားတဲ့ "Dilwale Dulhania Le Jayenge" (အတိုကောက်ကတော့ DDLJ လို့ခေါ်ကြပါတယ်) အိန္ဒိယ အချစ်သရုပ်ဖော်ဇာတ်လမ်းဟာ ဆိုရင်ဖြင့် ၁၉၉၅ ခုနှစ် အောက်တိုဘာ ၂၀ ရက်နေ့မှာ စတင်ရုံတင် ပြသခဲ့ပါတယ်။ ထူးခြားတာက ဒီဇာတ်ကားကို ထိုနေ့ကနေစ၍ ယနေ့ထက် ထိတိုင်အောင် အိန္ဒိယနိုင်ငံ Mumbai (ယခင်အခေါ် Bombay) ရဲ့ Maratha Mandir ရုပ်ရှင်ရုံမှာ ရုံတင်ဆဲရုံတင်မြဲဖြစ်နေသေးပါတယ်။ စပြတဲ့ရက်ကနေ ယနေ့ထက်ထိ နှစ်ပေါင်း ၁၁ နှစ်၊ (၅၅၅ ပတ်) ကျော်ကြာ ထိုရုပ်ရှင်ရုံတွင် ကမ္ဘာ့ စံချိန်တင်ပြသဆဲပါ။ အိန္ဒိယ လူမျိုးများကတော့ သိတော်မူကြတဲ့အတိုင်း ရုပ်ရှင်နဲ့ပတ်သက်လို့ ချစ်ခင်၊ ကြိုက်မုန်း၊ ငိုကြွေးလွမ်းဆွတ်၊ ထိုးကျိတ်သတ်ဖြတ် စသည့် ခံစားချက်များပြင်းပြတဲ့နေရာမှာ ကမ္ဘာပေါ်တွင် မည်သည့်လူမျိုးမှ သူတို့ရဲ့ စိတ်ခံစားချက်များကို မှီမယ်မထင်ပါ။ ရုတ်ရှင်ကိုအသည်းစွဲကြတာကလည်း သူတို့မှလွဲ ၍ မည်သူမှပင်မရှိတော့ပေ။ (မှတ်ချက်။ ။ ဒါကတော့ ကျွန်တော့် မျက်မြင်ကိုယ်တွေ့ပါ။ ကျွန်တော် Bombay (Mumbai) မှာကျောင်းတက်စဉ်ကာလက ကျောင်းသွားရင် ရုပ်ရှင်ရုံလေးငါးရုံလောက်ရှေ့က ဖြတ်သွားရတယ်။ မှတ်မှတ်ရရ "Kal Ho Naa Ho" ဇာတ်ကားပြတုန်းကလည်း ငိုလိုက်ကြတဲ့ ကုလားများ ရုပ်ရှင်ရုံကနေ မျက်ရည်များစမ်းတမ်း စမ်းတမ်းနဲ့ ထွက်လာကြတယ်။ ဇာတ်ကားထဲမှာ တစ်ခုခု မတရားတာမြင်ရင်လည်း မည်သူနဲ့မှမတူ ဆဲကြဆိုကြတာကလည်း ပွက်လောရယ်မှညံ။ ကျွန်တော့် ကုလားဆရာများဆိုရင်လည်း ကျောင်းပိတ်ရက်တိုင်းတွင် တစ်ရက်ထဲ ရုပ်ရှင်သုံးလေးကားကို ရုံတကာလှည့်ကြည့်ကြတယ်။ တကယ့်ကို Passion of the India ပါပဲ။)ဒီဇာတ်ကားရဲ့ ဇာတ်လမ်းလေးကတော့ သိတဲ့အတိုင်းပါပဲ၊ ကောင်လေး နဲ့ ကောင်မလေးက ချစ်သူဖြစ်၊ မင်းသမီး အဖေက သဘောမတူ၊ လွမ်းကြ ဆွေးကြ၊ နောက်ပြန်ပေါင်းထုပ် ဇာတ်လမ်းလေးတစ်ခုပါ။ ဒါပေမဲ့ ထူးခြားတာက အိန္ဒိယနိုင်ငံရဲ့ ပထမဦးဆုံးရုပ်ရှင်အဖြစ် ပြည်ပတွင်နေထိုင်သော အန္ဒိယလူမျိုးများအကြောင်းကို ပုံဖော်ထားခြင်းဖြစ်ပါတယ်။ ဇာတ်ကားကလည်းကောင်းလွန်လွန်းလို့ ဒီလောက်ထိ ရုံတင်ဆဲရုံတင်မြဲ ဖြစ်တာပေါ့။ အိန္ဒိယရုပ်ရှင်ကြိုက်ပရိဿတ်များကတော့ ကြည့်ဖူးပြီးသားဖြစ်မယ်လို့ထင်ပါတယ်။ ဒါပေမဲ့ ကုလားကားမကြည့်ရသေးဖူးဆိုတဲ့ လူများကိုတော့ အိန္ဒိယကားရဲ့ ‘‘အဆိုအက ချစ်ကြကြိုက်ကြ လွမ်းပြီး ပြန်တွဲ ဒီဇာတ်လမ်းပါပဲ’’ ဆိုတဲ့ ကျွန်တော့်ရဲ့ မူပိုင် ပြောင်ချော်ချော် စာသားလေးကို ရေရွတ်ရင်း ဒီဇာတ်ကားကို ကြည့်ဖို့ရန် တိုက်တွန်းလိုက်ရပါတယ်။ အသေးစိတ်သိလိုတယ်ဆိုရင်တော့ Dilwale_Dulhania_Le_Jayenge မှာ သွားဖတ်လို့ရပါတယ်။ ကိုတိုး