Nov 27, 2006

တိတ်တိတ်လေး ကြေကွဲသွားခဲ့ရတဲ့ ဗီယက်နမ်မလေးများ

ဇာတ်လမ်းက ဒီလို . . ဗျ။

ကျွန်တော်နေခဲ့သော အခန်းဟောင်းဘေးတွင် အင်မတန်နားလည်ရခက်သော ဗီယက်နမ် IT ကျောင်းသား သုံးလေးယောက်လောက် နေခဲ့ကြသည်။ အင်မတန်နားလည်ရခက်သော လူထူးလူဆန်းများထဲတွင် ထိုဗီယက်နမ်ကျောင်းသားများလည်း ပါဝင်သည်ဟု ဆို ရလောက်သည်။ သူတို့အခန်းတွင် Computer သုံးလုံးလောက် ရှိမည်ထင်သည်။ ညလုံးပေါက် Online War Game တွေကို တဒိုင်းဒိုင်း ကစားသည်၊ Game ကစားရင်း သီချင်းကိုဖွင့်သည်၊ နေ့စဉ်လိုလို သူတို့နိုင်ငံက ဗီယက်နမ် ဟာသကားများ ကြည့်နေသည်လားတော့မသိ တညလုံး တ၀ါးဝါးနှင့် ရယ်ကြသည်။

သူတို့ တနေ့လုံး နဲ့ ညလုံးပေါက် ကျယ်လောင်စွာ ဖွင့်တတ်သော သီချင်းများက တခြားမဟုတ် ဆဲ၍ဆိုတတ်သော အဆိုတော် EMINEM ရဲ့သီချင်းများ (မှတ်ချက်။ ။ ထိုအဆိုတော်ရဲ့သီချင်းများကို ကြိုက်ကြသူများကို အံ့အားသင့်မိတယ် ဗျာ၊ ကိုယ့်ကို သီချင်းဆိုရင်း မအေတုတ် ဆဲဆိုနေတာတောင် ပြုံးပြုံးလေးနားထောင်နေကြတယ်), အာခေါင်ခြစ်၍ အာပြဲပြီးဆိုတတ်သော Linking Park အဖွဲ့သားများရဲ့သီချင်းများ၊ အရည်ပျော်၍ပျော့တွဲနေသော Limp Bizkit ရဲ့သီချင်းအများစု, Korea အဆိုတော်များရဲ့ သီချင်းများ၊ Vietnam သီချင်းများ၊ အခြား ဆိုးဆိုးဝါးဝါး အသံဆိုးနှင့်ဆိုတတ်သော နိုင်ငံခြားအဆိုတော်များစွာတို့ရဲ့ သီချင်းတွေလည်း အပါအ၀င်ပေါ့။

ကျွန်တော်လည်းသီချင်းဖွင့်ပါသည်။ ကျွန်တော်ဖွင့်သော သီချင်းများမှာ မြန်မာသံစဉ်စစ်စစ်များ၊ နိုင်ငံခြားကော်ပီ မြန်မာသီချင်းများ၊ နိုင်ငံခြားသီချင်းများ။ အားလုံးလိုလိုမှာ တော်တော်လေးလည်းကောင်းပါတယ်။ Rock, Heavy Metal, Hip Hop? အကုန်လုံးနားထောင်တယ်ဗျာ။ မြန်မာ Hip Hop လား? နားထောင်တာပေါ့ဗျာ။ အက်ဆစ် တို့ ဘက္ထရီအိုးတို့ (. . . နိုးနိုး ဘက္ထရီအိုး မပါဘူး)။ အက်ဆစ်အဖွဲ့ကတော့ သူတို့ရဲ့ပထမဆုံး လမ်းဖောက်ပေးခဲ့တဲ့ Creation ကိုကြိုက်လို့ ဖွင့်တာပါ။ ဒါပေမဲ့ဗီယက်နမ်တွေကတော့ အတော်ကို ဆိုးဆိုးဝါးဝါး နိုင်လှပါတယ်။ အရေးထဲ ပိုဆိုးတာက အခြားဗီယက်နမ် သူငယ်ချင်းများ နဲ့ သူတို့ စကီတွေ (ရည်းစားတွေ) လားတော့မသိ၊ သူတို့လာရင်တော့အဆိုးဆုံး။ တစ်ယောက် တစ်ပေါက် လုဖွင့်ကြတယ်။ တ၀ါးဝါး တဟားဟားရယ်သံများက ညလုံးပေါက်။ မူးနေကြတာလာ ရူးနေကြတာလားတော့ မသိပါ။ ဒါနဲ့ ဒီကောင်တွေကို ကျယ်ကျယ်မဖွင့်ဖို့ ကျွန်တော်တစ်ရက်မှာသွားပြောတယ်။ ပိုလို့တောင် နှစ်ပြန်ဆိုးသွားပါတယ်။ ပိုဆိုးမှာပေါ့ဗျ . . . . . အဲဒီထဲမှာ ဂျစ်ကန်ကန် နှစ်ကောင်ပါတာကိုးဗျ။

တခါက မှတ်မှတ်ရရ သူငယ်ချင်းတစ်ယောက် လာပေးသွားတဲ့ ကိုဂရေဟမ်ရဲ့ "တိတ်တိတ်လေး ကြေကွဲ" ဆိုတဲ့ သီချင်းကို ကျွန်တော်လည်း အသည်းတွေကြေကွဲနေတဲ့ ဝေဒနာတွေကလည်းပါတယ် အဲဒီတစ်ပုဒ်ထဲကိုပဲ လေးငါးရက်လောက် ရုံးဆက်ရက်ပိတ်တဲ့ အချိန်မှာ ဖွင့်မိခဲ့တယ်။ ကျွန်တော် ဒီသီချင်းကို ဘယ်လောက် ကြေကွဲစွာခံစားမိမှန်းမသိ ဘေးကအခန်းကိုလာတဲ့ ဗီယက်နမ်မလေးများကတောင် အလွတ်ရသွားလို့ ကျွန်တော့်ကိုတွေ့တိုင်း မြင်တိုင်း မကြားတကြား ပီပီသသကြီးကို "တိတ်တိတ်လေးကြေကွဲ နေရသူပါ" "တိတ်တိတ်လေးကြေကွဲ နေရသူပါ" လို့ ပြောင်ချော်ချော် နောက်တောက်တောက် စသလိုနောက်သလိုနဲ့ ဆိုဆိုပြကြတယ်။ ကျွန်တော့် အခန်းကိုအလည်လာတဲ့ သူငယ်ချင်းကတောင်ကြားသွားလို့ "ဒီဗီယက်နမ်မတွေတော့ နားမလည် ပါးမလည်နဲ့ လိုက်ဆိုပြနေတာ" "တိတ်တိတ်လေး . . . ကြေပြီး . . . ကွဲရုံတင်မဟုတ်ဘူး . . . xxx ပါ သွားလိမ့်မယ်" လို့ယုတ်တီးယုတ်မာ ပြောလိုက်ပါသေးတယ်။

လူကြီးတွေကတော့ "အဲဒီဗီယက်နမ်တွေက ငမိုက်သားတွေ၊ အမေရိကန်တွေတောင် မနိုင်တာ ကြည့်ပါလား၊ မင်း သူတို့နဲ့ သွားပြီး ရန်ဖြစ်မနေနဲ့ ဆူတယ်ဆိုရင်လည်း ကျန်တဲ့အခန်းတွေပြောင်းနေပေါ့လို့" ဆိုပါတယ်။ ကျွန်တော်ကတော့ ဗီယက်နမ်တွေလောက်ကိုတော့ မမှု့ပါ။ ကျွန်တော်လည်း ဒီအသက်အရွယ်မှ မမိုက်ချင်တော့။

ဒါပေမဲ့ တစ်နေ့ထက် တစ်နေ့ ပိုပိုဆိုးလာတဲ့ ဗီယက်နမ်တွေအတွက် ပညာပြန်ပေးဖို့ အစီအစဉ်ဆွဲခဲ့ရတယ်။ ပထမကတော့ တွံ့တေးသိန်းတန်ရဲ့ သီိချင်းနဲ့စရတယ်။ တွံ့တေးသိန်းတန်ရဲ့ "နှမလက်လျော့ နေလေအုံးတော့" ဆိုတဲ့သီချင်းတစ်ပုဒ်ထဲကို သုံးရက်ဆက်တိုက် မနားတမ်းဖွင့်တယ်။ ကွန်ပျူတာ လောင်ရင်လည်းလောင်ပါစေဆိုပြီး မနက်ရုံးသွားတာတောင် မပိတ်ခဲ့တော့။ ဖွင့်မြဲတိုင်း ၂၄နာရီ လုံးလုံးဖွင့်ခဲ့တယ်။ နောက်ရက်တော့ အဲဒီထဲက ဗီယက်နမ်တစ်ကောင်က ကျွန်တော်ရုံးကပြန်အလာ ဘေးအပေါက်ဝကနေ ဘုကြည့်ကြည့်နေတယ်။ ဒီကကောင်ကလည်း သူကြည့်ကိုယ်ကြည့်ပေါ့။

နောက်တော့ သင်္ကြန်မိုး ဇာတ်ကားထဲမှ "နှစ်ကိုယ်တူ ချစ်သမျှ" ကို သုံးရက် ဆက်တိုက်ဖွင့်တယ်။ တွံ့တေးစိုးအောင် ရဲ့ "အသည်းပန်း" "အရင်ရည်းစားထက် ပိုပြီးချစ်ပါတယ်" "အပျိုကြီးမမ" သုံးပုဒ်ထဲကို လေးရက်၊ ဘိုဘိုဟန်ရဲ့ "ဆရာမ" ကိုငါးရက်၊ သန်းဖေလေးရဲ့ "မခင်နှင်းဆီ" နဲ့ "နွဲ့ဆိုးပျို" ဆိုတဲ့သီချင်းကို သုံးရက်စီ၊ "တူးပို့တူးပို့" ကိုသုံးရက်၊ သူငယ်ချင်းပေးတဲ့ သူ့ရဲ့ ကုလားသီချင်းများကို လည်း ကြားညှပ်၍ဖွင့်တယ်၊ နောက် "ရွှေမန်းဆီ သို့" နှင့် ကိုသုမောင်ရဲ့ "စစ်ကိုင်းတောင်" ကိုလေးရက်လောက်ဖွင့်တယ်၊ ကိုလေးဖြူရဲ့ "မမေ့နိုင်" သီချင်းတစ်ပုဒ်တည်းကို ငါးရက် ဆက်တိုက်လောက်ဖွင့်တယ်၊ အဲဒီနောက် စန္ဒယားလှထွဋ် ရဲ့ "မိုးည အိမ်မက်" "အိပ်၍မပျော်သော ညများ" "ပန်းတွေနဲ့ဝေ" ကို သုံးရက်စီ စုစုပေါင်း ကိုးရက်လောက် ဖွင့်တယ်။

သည်သီချင်းတွေက ကျွန်တော်လို လူမျိုးအတွက် အထူးအဆန်းမဟုတ်၊ ထိုအထက်ကဖော်ပြခဲ့ သီချင်းတွေထဲက မြန်မာသီချင်းစစ်စစ်တွေကို အဖေကိုယ်တိုင်က ကျွန်တော်ငယ်ငယ်လေးထဲက သီဆို၍ ချော့သိပ်ခဲ့တာကိုး၊ အဖေကိုယ်တိုင် က အသက်ကြီးပေမဲ့ ကျွန်တော်တို့နားထောင်ခဲ့တဲ့ Rock, Heavy Rock, Pop တွေလည်းရတယ်၊ နောက်ပေါက်အဆိုတော်တွေထဲက ကိုလေးဖြူဆိုရင် သူအကြိုက်ဆုံး၊ ကျွန်တော်ကိုယ်တိုင်ကလည်း နားဝင်၍ မြန်မာသီချင်းစစ်စစ်ကို ကြိုက်တတ်သူ။ ဘာကြောင့်လဲဆိုတော့ ရှင်းပါသည်၊ အနုပညာသမားမို့လို့ပေါ့။ ဗီယက်နမ်များအတွက်ကတော့ ထိုသို့မဟုတ်။ သူတို့နားမလည်သော ဘာသာစကားများနဲ့ သီချင်းတစ်ပုဒ်ထဲကို ရက်ရှည် နာရီပေါင်းများစွာ ဆက်တိုက်ဖွင့်တော့ အဘယ်မျှခံနိုင်တော့မည်နည်း။ ကြာတော့လည်း ဗီယက်နမ်တွေ စိတ်ပျက်ရတာပေါ့။ ကျွန်တော့်ရဲ့ မဟာဗျူဟာ နည်းပညာကြောင့် နောက် နှစ်လလောက်အကြာမှာ ဗီယက်နမ်တွေလည်း အခြား အခန်းတစ်ခုကို ပြောင်းဖို့ ပစ္စည်းတွေ ရွှေ့နေကြပါတယ်။
(မှတ်ချက်။ ။ ဒီနေရာမှာ ကျွန်တော်ဆိုလိုချင်တာက ကျွန်တော်တို့ရဲ့ မြန်မာသီချင်းများဟာ အခြားနိုင်ငံခြားသားများအတွက် နားငြီးစရာ၊ နားထိခိုက်စရာ မဖြစ်နိုင် တာကတော့အမှန်ပါ၊ ဒါပေမဲ့ သီချင်းတစ်ပုဒ်ထဲကို ရက်ပေါင်းများစွာ ဖွင့်သော ကျွန်တော့်ရဲ့မဟာဗျူဟာကြောင့်ဟုသာ ဆိုရပါမည်)
သူတို့ကတော့ အရင်လို ဘုကြည့်ပြန်မကြည့်တော့ သူတို့အမြင်မှာတော့ ငါတို့ဘေးအခန်းကလူဟာ စိတ္တဇ ဝေဒနာရှင် (သို့မဟုတ်) အရူးတစ်ယောက်ပဲဟု ထင်တဲ့ အမြင်နဲ့သာကြည့်နေပါတော့သည်။ နောက်ဆုံးတော့ ဗီယက်နမ်တွေလည်း Goodbye ပေါ့။

ထားပါတော့ ဗီယက်နမ်တွေမရှိလို့ အတော့်ကို နားညီးသက်သာသွားပါတယ်။ အဲဒီတုန်းက ဗီယက်နမ်တွေကို အနိုင်တိုက်ထုတ်နိုင်ခဲ့ခြင်းအတွက် ပီတိဖြစ်ခဲ့ပြီး "တိတ်တိတ်လေး ကြေကွဲခဲ့ရသူပါ" လို့နောက်နောက်ပြောင်ပြောင် သီဆိုခဲ့ကြတဲ့ ဗီယက်နမ်ပျိုဖြူချောလေးတွေကိုတော့ မမြင်ရလို့ သုံးလေးရက်လောက်တော့ သတိတရ အလွမ်းပိုနေမိတာကတော့ အမှန်ရယ်ပါ။

နားလည်ပေးနိုင်ကြပါစေ

ကိုတိုး

2 comments:

Will said...

ko toe,

nice article. i still remember these songs. cau'z i am the one who gotta listen those songs repeatedly. keep posting similar articles. it's kinda short novels.

MYO HAN HTUN said...

Thanks ..