Feb 12, 2008

ထိုင်းနိုင်ငံမှ ဆောင်ရန် ရှောင်ရန်များ (၁) .. ခွေး ဆိုတာ .. ထိုင်းလို ..


ဒီအကြောင်းလေးတွေကို ရေးချင်တာ ကြာလှပါပြီ။ ဒါပေမယ့် ရေးစရာလေးတွေ များလာတော့လည်း အပိုင်းလေးတွေ လုပ်ပြီးရေးမယ်လို့ပဲ စီစဉ်လိုက်ပါတယ်။

“ခွေး” လား “ခွေ”လား .. ဘယ်လိုပဲထွက်ပါစေ .. ထိုင်းလူမျိုးတွေကတော့ ယောင်္ကျားတန်ဆာ (ရေးမပြတော့ပါဘူး) .. အဲ .. အဲဒါပဲ ထင်လိမ့်မယ်။ ဒီထိုင်းနိုင်ငံမလာခင်ကတည်းက ဦးရီးတော် မှာလိုက်တဲ့ စကားရှိပါတယ်။ “ကိုတိုး .. ခွေးတွေ တွေ့လို့များ .. မြန်လို ခွေး ဆိုပြီး သွားမထွက်လိုက်နဲ့ .. ဘယ်လိုပဲ ဖြစ်ဖြစ် ခွေး ဆိုတဲ့ စကား မပါပါစေနဲ့” “ခွေး ဆိုတာက ထိုင်းမှာ ယောင်္ကျား ဟိုဟာပဲ ကွ” ဆိုပြီး သင်ပေးလိုက်ပါတယ်။
ဒါနဲ့ ရုံးရောက်တော့ .. Trip တစ်ခုအသွားလာမှာ ထိုင်းအမျိုးသမီးတစ်ယောက်က မေးပါလေရော။ “မျိုးဟန်ထွန်း .. မင်းတို့ မြန်မာတွေမှာ “ခွေး” ဆိုတဲ့ စကားလုံးဟာ ဘာလဲ” ဆိုတာပါပဲ။ လူလည်း လန့်တော့ လန့်သွားတယ် .. ငါတော့ ဒီစကားလုံးကို ဦးရီးတော် ပြောကတည်းက မထွက်မိတာ အမှန်ပါ။ ဘယ်မြန်မာများ ထွက်မိလို့ သူတို့ကမေးရတာလဲ လို့ စိတ်ထဲက မေးခွန်းထုတ်ခဲ့ပါတယ်။ “သြော် .. ခွေးလား .. ဒါက Dog ကို ပြောတာပေါ့ ဗျာ .. ကျွန်တော်တို့ မြန်မာတွေက ခွေးချစ်တတ်တော့ သူ့တို့ အိမ်က ခွေးအကြောင်းတွေကို မြန်မာ အချင်းချင်း ပြောကြလို့ ဒီစကားကို ခင်ဗျားတို့ ကြားမိတာ နေမှာပေါ့” ဆိုပြီး စကားကို အဆုံးသတ်လိုက်ရတယ်။ သူ့ကို ရှင်းပြနေချိန် .. ဒီ “ခွေး” ဆိုတဲ့ အသံ ကြောင့် ဒါ မြန်မာကောင် ငါတို့ ထိုင်းမ ကို တခွေးတည်း ခွေး နေလိုက်တာ ဆိုတဲ့ အကြည့်တွေ နဲ့ပေါ့ ဗျာ။

ဘာပဲပြောပြောပေါ့ဗျာ .. ရောမရောက် ရောမလိုကျင့်ရသလို .. ထိုင်းရောက်တော့လည်း ဆောင်ရန် ရှောင်ရန်လေးတွေ သိသင့်စေခြင်း အလို့ငှာ ရေးလိုက်ရတာပါ။

ကိုတိုး

2 comments:

CMS said...

မှတ်ထားလိုက်ပြီ ကိုတိုးရေ
ကျေးဇူးဗျာ :)

ဂျစ်တူး - gyit_tu said...

အဟိ ..

မြန်မာမလေးတွေက ခွေး လို့ ထိုင်းကောင်ကိုပြောရင် ၊ သေရောဗျာ ။ တမျိုးတမည်တွေ ထင်ကုန်တော့မယ်း)