ကျွန်တော်နှင့် သူငယ်ချင်းများ (၁)

“အမာ .. ရေ .. အမာ ..” “အမာ .. မအမာ” ဟုအသံသေးအသံကြောင်များဖြင့် အော်သံများသည် ကျွန်တော်တို့ကျူရှင်မှ ညမိုးချုပ်ပြန်လာကြတိုင်းဖြစ်လေသည်။ ထို “အမာ” ဆိုတဲ့ နာမည်ပိုင်ရှင်ကား တစ်ခြားမဟုတ် လူထုဒေါ်အမာ ပင်ဖြစ်ပေသည်။ ဟုတ်ပါတယ် ... ကျွန်တော်တို့သည်ကား အသက် ၁၅ နှစ် ၁၆ နှစ်အရွယ် ဆယ်ကျော်သက်အရွယ်များ၊ စက်ဘီး ကိုယ်စီဖြင့် အယောက် ၂၀ လောက်တော့ ရှိမည်ထင်သည်။ ကျူရှင်မှ ညမိုးချုပ်ပြန်လာတိုင်း ၈၄ လမ်းတစ်လျှောက်မှ အသိမိတ်ဆွေနာမည်များ၊ သူငယ်ချင်းနာမည်များ၊ နှင့် အခြားခြားသောဆိုင်းဘုတ်များကို နောက်ပြောင်အော်ဟစ်ကြသည်က ကျွန်တော်တို့အတွက်တော့ အဆန်းမဟုတ်ခဲ့ပါ။

“ဟေ့ အသည်းလေး မ(....) ကို ဒီနေ့အိမ်ပြန်နောက်ကြမယ်ဟေ့” ဟု ကောင်မလေးတွေအိမ်ရှေ့နားအရောက်တွင် အော်ဟစ်ကြခြင်း၊ “ဗျို့ ဦး(....) ယောက်ခမကြီး ကာရာအိုကေဆိုင်မှာတွေ့တယ်နော်” လို့ ထိုသို့တဖန်အော်ကြခြင်းကား ကျောင်းမှ ကောင်မလေးများရဲ့ အဖေနာမည်းများပင်၊ အတန်းဖော် ကောင်မလေးများရဲ့ အဖေ အမေ နာမည်များသိလို့ကတော့ ထိုအိမ်ရှေ့ကို ဖြတ်တိုင်း အော်ကြမည်မှာ ဧကန်။ လူထုဒေါ်အမာဆိုသည့် အဖွားကြီးတောင် အေးအေးဆေးဆေး မနေရ၊ သူ့နာမည်ကို ပင် စစနောက်နောက်အော်ခဲ့ကြတာသာ ကြည့်ပေတော့။ လမ်းတစ်လျှောက် သီချင်းတကြော်ကြော်ဆိုကြတဲ့သူက ဆို၊ အော်တဲ့လူက အော်။ ဒါကတော့ ပျော်စရာ။

သူငယ်ချင်းများထဲတွင်တော့ လူဝကြီးတစ်ကောင်ပါသည်။ အဲ့ဒီကောင်ကြီးက ဂျပန်ဆူမို နပန်းသမားလား အောင့်မေ့ရတယ်။ ၀ တာကတော့ ကမ်းကုန်နေသည်။ အသံကလည်း အောင်မှအောင်၊ သူက ကျွန်တော်တို့အဖွဲ့ရဲ့ ပင်တိုင် ရှေ့ဆောင်။ သူအော်တိုင်း နောက်မှ လိုက်အော်သူကအော် ရယ်တဲ့လူက ရယ်။ အဆိုးဆုံးကတော့ ဆရာဦးမျိုးညွှန့်ကျူရှင်ရှေ့အရောက်တွင်ပေတည်း။ ဆရာဦးမျိုးညွှန့်ဆိုသည်ကား မန္တလေးမှ နာမည်ကျော် ကျူရှင်ဆရာတစ်ဦး။ ဖက်တီးကတော့ အရှေ့ဆုံးမှ တိုင် လိုက်သည်ကား “မျိုးညွှန့် နှာခေါင်း” .. အဲဒါကို နောက်မှကျွန်တော်တို့တစ်တွေက လိုက်၍ “ပေ တစ်သောင်း” ဟုအော်ကြသည်။ ကျွန်တော်တို့ အော်တဲ့ အသံအဆုံးမှာတော့ ဆရာဦးမျိုးညွှန့် ကျူရှင်မှ စာသင်ကျောင်းသူကျောင်းသားများကတော့ ကျွန်တော်တို့တစ်တွေ အော်လိုက်တဲ့ အသံကြောင့် တ၀ါးဝါးတဟားဟား နဲ့ရယ်ပြီး ကျန်နေခဲ့ပါတယ်။
ဟုတ်လည်း ဟုတ်ရှာပါသည် ဆရာကြီးနှာခေါင်းခမျာ အိန္ဒိယလူမျိုးတွေကြား ပိုမိုထူးခြားစွာ ရှည်နေပါသည်။ နောက်ပိုင်းတော့ ညီလေးများက သူ့ကျူရှင်တက်ကြသဖြင့် ဆရာနဲ့ စကားပြောဖော်ဖြစ်ခဲ့ပါတယ်။

တစ်ခါတလေကြတော့ ၈၄ လမ်းမှပေါ်က စတိုးဆိုင်တွေကိုဝင်ပြီး အဲ့ဒီ သူငယ်ချင်းလူဝကြီးကို လက်ညှိးထိုးရင်း “အမရေ သူ့အရွယ်အတွင်းခံဘောင်းဘီ ရှိလားလို့” ၀င်မေးတဲ့ သူငယ်ချင်းများကလည်း ရှိသေးတယ်။ အများစုကတော့ “မရှိပါဘူး မောင်လေးတို့ ရယ်”လို့ ဖြေကြပေမယ့် တစ်ချို့ အရောင်းစာရေးမများကတော့ “ဟင့်အင်း ... မင်းတို့လို ဆိုဒ်သေးသေးလေးတွေ အတွက်တော့ ရှိတယ်” လို့ အထင်အမြင်သေးတဲ့ အကြည့်နဲ့ပါတွဲပြီး
ပြန်ရွဲ့ပြောခဲ့ကြပါသေးတယ် ဗျာ။

ဘာရယ်မှတော့ မဟုတ်ပါ၊ လူငယ်တို့ဘာသာဘာဝ နောက်နောက်ပြောင်ပြောင် ဟေးလားဝါးလား အော်ကြခြင်းများကို ပြန်ပြောင်းသတိတရဖြင့် ရေးလိုက်ခြင်း ဖြစ်ပါတယ်။

နားလည်ခွင့်လွှတ်နိုင်ကြပါစေ

ကိုတိုး